商务部公务员普查工作进入第二天 旨在提升行政效率

សកម្មភាពថ្ងៃទី២ នៃដំណើរការចុះធ្វើជំរឿនមន្ត្រីរាជការស៊ីវិលជាក់ស្តែង នៅទីស្តីការក្រសួងពាណិជ្ជកម្ម ... (ភ្នំពេញ)៖ នាព្រឹកថ្ងៃអង្គារ ទី១៩ ខែឧសភា ឆ្នាំ២០២៦ នេះ ដំណើរការចុះធ្វើជំរឿនមន្ត្រីរាជការស៊ីវិលជាក់ស្តែង នៅទីស្តីការក្រសួងពាណិជ្ជកម្ម បានឈានចូលដល់ថ្ងៃទី២ ហើយ ដោយយុទ្ធនាការនេះត្រូវបានរៀបចំ និងអនុវត្តយ៉ាងយកចិត្តទុកដាក់ដោយ គណៈកម្មការធ្វើបច្ចុប្បន្នភាពរចនាសម្ព័ន្ធ និងជំរឿនមន្ត្រីជាក់ស្តែង នៃក្រសួងមុខងារសាធារណៈ។ ការចុះធ្វើជំរឿននេះ គឺជាការបោះជំហានដ៏សំខាន់មួយ ដើម្បីធានាបាននូវ ភាពសុក្រឹត តម្លាភាព និងប្រសិទ្ធភាពខ្ពស់ ក្នុងការគ្រប់គ្រងប្រព័ន្ធទិន្នន័យមន្ត្រីរាជការ ដែលស្របតាមអភិក្រមនៃការកែទម្រង់រដ្ឋបាលសាធារណៈយ៉ាងមុតស្រួច របស់រាជរដ្ឋាភិបាលកម្ពុជា។ ឆ្លងកាត់ដំណើរការរយៈពេល ១ថ្ងៃកន្លងមក យើងសង្កេតឃើញថា យុទ្ធនាការនេះបានប្រព្រឹត្តទៅយ៉ាងរលូន មានរបៀបរៀបរយ និងទទួលបានការចូលរួមសហការយ៉ាងសកម្មពីគ្រប់អង្គភាពពាក់ព័ន្ធចំណុះក្រសួងពាណិជ្ជកម្ម។ ជាមួយគ្នានេះ ក្រសួងពាណិជ្ជកម្ម បន្តប្តេជ្ញាចូលរួមចំណែកយ៉ាងសកម្មក្នុងការកែទម្រង់រដ្ឋបាលសាធារណៈ ដើម្បីស្ថាប័នរឹងមាំ និងបម្រើផលប្រយោជន៍ជាតិឱ្យកាន់តែប្រសើរ៕ … ភ្ជាប់មកកាន់ក្រសួងពាណិជ្ជកម្ម តាមតំណភ្ជាប់ខាងក្រោម៖ Connect with Ministry Of Commerce: 🌐 [Facebook ](https://web.facebook.com/moc.gov.kh) 🌐 [Telegram](https://t.me/mocnewsfeed) 🌐 [Website](https://www.moc.gov.kh/) 🌐 [YouTube](https://www.youtube.com/@mocgovkhcambodia) 🌐 [X (Twitter](https://twitter.com/MoCCambodia))