公共工程与运输部启动公务员普查 旨在清理冗员提升行政效率

**ឯកឧត្តម ប៉េង ពោធិ៍នា៖ ការធ្វើជំរឿននេះ នឹងលុបបំបាត់ភាពមិនប្រក្រតី និងបង្កើតសង្គតិភាពទិន្នន័យមន្ត្រីរាជការជាក់ស្តែង** ឯកឧត្តមរដ្ឋមន្ត្រីបានសង្កត់ធ្ងន់ថា យុទ្ធនាការជំរឿននេះ នឹងជួយលុបបំបាត់នូវរាល់ភាពមិនប្រក្រតី រវាងចំនួនមន្ត្រីដែលមាន និងចំនួនមន្ត្រីដែលកំពុងបំពេញការងារជាក់ស្តែង។ ឯកឧត្តមក៏បានរំឮកផងដែរថា កិច្ចការងារនេះមិនមែនជាការងារថ្មីដែលក្រសួង ស្ថាប័ន ទើបតែចាប់ផ្តើមអនុវត្តនោះទេ ពោលគឺកន្លងមក ក្រសួងធ្លាប់បានអនុវត្តក្នុងយន្តការក្របខ័ណ្ឌក្រសួងរួចរាល់ហើយ។ ប៉ុន្តែដើម្បីធានាឱ្យបាននូវភាពច្បាស់លាស់ និងសង្គតិភាពនៃប្រព័ន្ធទិន្នន័យ ថ្ងៃនេះគឺជាជំហានថ្មីមួយទៀត នៃការធ្វើទំនើបកម្មតាមប្រព័ន្ធឌីជីថល ដែលអាចឱ្យការគ្រប់គ្រងកាន់តែមានភាពច្បាស់លាស់ជាងមុនបន្ថែមទៀត។ សូមអញ្ជើញស្តាប់ និងទស្សនាវីដេអូសម្រង់ប្រសាសន៍ទាំងស្រុងរបស់ ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន ពាក់ព័ន្ធនឹងការធ្វើជំរឿនមន្ត្រីជាក់ស្តែងនាពេលនេះ ដែលផ្តល់អត្ថប្រយោជន៍យ៉ាងច្រើនដល់ការងារគ្រប់គ្រង និងការអភិវឌ្ឍធនធានមនុស្សឱ្យចំជំនាញ។