法语国家峰会14日金边开幕 82国千人出席 2万警力护航

គិតត្រឹមថ្ងៃទី១០ ខែវិច្ឆិកានេះ ប្រទេសចំនួន៨២ក្នុងនោះមានរដ្ឋសមាជិកពេញសិទ្ធិ រដ្ឋសមាជិកពាក់ព័ន្ធ និងរដ្ឋសង្កេតការណ៍ ដែលមានគណៈប្រតូភូសរុបជាង១០០០នាក់ បានបញ្ជាក់ពីការចូលរួមកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះ ពីថ្ងៃទី១៤ ដល់ថ្ងៃទី១៦ ខែវិច្ឆិកានេះ។ នៅក្នុងកិច្ចសម្ភាសផ្តាច់មុខជាមួយលោក ដួង សុខា នៃទូរទស្សន៍ CNC ឧត្តមសេនីយ៍ឯក យឹម លាង អគ្គស្នងការរងនគរបាលជាតិទទួលបន្ទុកដឹកនាំនាយកដ្ឋានអង្គរក្ស និងជាអនុប្រធានអនុគណៈកម្មការទី៤ (សន្តិសុខ សណ្តាប់ធ្នាប់ និងសង្គ្រោះ) នៃគណៈកម្មាធិការជាតិរៀបចំកិច្ចប្រជុំកំពូលហ្វ្រង់កូហ្វូនីលើកទី២០ បានឱ្យដឹងថា កម្លាំងជាង២០០០០នាក់ មកពី៣១ស្ថាប័ន អង្គភាព បានត្រៀមរួចរាល់ហើយ ដើម្បីការពារសន្តិសុខ និងសុវត្ថិភាព។ លោកបានបង្ហាញពីគោលដៅសំខាន់ៗដែលត្រូវការពារ និងបានបញ្ជាក់ថាកម្ពុជាប្រើប្រាស់វិធានការ និងមធ្យោបាយទាំងនៅលើគោក ក្នុងទឹក និងលើអាកាស ព្រមទាំងការប្រើប្រាស់បច្ចេកវិទ្យា និងការដាក់ចេញបម្រាមចាំបាច់ ដើម្បីឱ្យព្រឹត្តិការណ៍ដ៏មានសារៈសំខាន់ជាប្រវត្តិសាស្រ្តនេះប្រព្រឹត្តទៅដោយជោគជ័យ។ #ExclusiveInterview [🌐FACEBOOK](https://web.facebook.com/reel/1112918754942791) [🌐YOUTUBE](https://www.youtube.com/watch?v=WSHbIkM58UA) [🌐TIKTOK](https://www.tiktok.com/@cnctvcambodia/video/7706865603251932436)