TotalEnergies在金边举行新总部启用仪式，柬埔寨商

(ភ្នំពេញ)៖ នាព្រឹកថ្ងៃសុក្រ ទី២៥ ខែកញ្ញា ឆ្នាំ២០២៦ នៅរាជធានីភ្នំពេញ ឯកឧត្តម កឹម ស៊ីថន រដ្ឋលេខាធិការប្រចាំការ ក្រសួងពាណិជ្ជកម្ម និងជាតំណាងរបស់ លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម បានអញ្ជើញចូលរួមក្នុង «ពិធីសម្ពោធការិយាល័យកណ្តាលថ្មី» របស់ក្រុមហ៊ុន TotalEnergies ដោយមានការអញ្ជើញចូលរួមពីសំណាក់ ឯកឧត្តម កែវ រតនៈ រដ្ឋមន្ត្រីក្រសួងរ៉ែ និងថាមពល ឯកឧត្តម Olivier Richard ឯកអគ្គរដ្ឋទូតបារាំងប្រចាំព្រះរាជាណាចក្រកម្ពុជា លោក Yuan Liu នាយកប្រតិបត្តិក្រុមហ៊ុន TotalEnergies Marketing (Cambodia) និងភ្ញៀវកិត្តិយសជាច្រើនរូបទៀត។ ថ្លែងក្នុងឱកាសនេះ ឯកឧត្តមរដ្ឋលេខាធិការប្រចាំការ ក៏បានកោតសរសើរ និងវាយតម្លៃខ្ពស់ចំពោះក្រុមហ៊ុន TotalEnergies ដែលបានផ្តល់កិច្ចសហការយ៉ាងល្អប្រសើរជាមួយក្រសួងពាណិជ្ជកម្ម និងថ្លែងអំណរគុណដល់ក្រុមហ៊ុន ដែលជឿជាក់លើរាជរដ្ឋាភិបាលក្នុងការប្រកបធុរកិច្ចនៅព្រះរាជាណាចក្រកម្ពុជា អស់រយៈពេលជាង ៣ ទសវត្សរ៍កន្លងមកនេះ និងមានបំណងពង្រីកកិច្ចសហប្រតិបត្តិការបន្ថែមទៀត ដើម្បីអភិវឌ្ឍវិស័យថាមពល ក៏ដូចជាការផ្គត់ផ្គង់ឱ្យមាននិរន្តរភាព។ ជាមួយគ្នានេះ ឯកឧត្តមរដ្ឋលេខាធិការប្រចាំការ ក៏បានលើកទឹកចិត្តឱ្យក្រុមហ៊ុនបន្តពង្រឹងកិច្ចសហប្រតិបត្តិការជាមួយរាជរដ្ឋាភិបាល ក៏ដូចជាក្រសួង-ស្ថាប័នពាក់ព័ន្ធ ក្នុងស្មារតីភាពជាដៃគូយូរអង្វែង និងអនុវត្តឱ្យបានខ្ជាប់ខ្ជួននូវច្បាប់ និងលិខិតបទដ្ឋានគតិយុត្តជាធរមាន សំដៅធានាបាននូវស្ថិរភាព និងនិរន្តរភាពនៃការផ្គត់ផ្គង់ប្រេងឥន្ធនៈ និងថាមពល និងការឆ្លើយតបយ៉ាងឆាប់រហ័ស ទាន់ពេលវេលា និងមានប្រសិទ្ធភាពទៅនឹងតម្រូវការទីផ្សារ ព្រមទាំងយកចិត្តទុកដាក់ខ្ពស់លើការការពារផលប្រយោជន៍របស់អ្នកប្រើប្រាស់ ដើម្បីរួមចំណែកដល់ការអភិវឌ្ឍវិស័យថាមពល និងសេដ្ឋកិច្ចកម្ពុជាប្រកបដោយចីរភាព៕ … ភ្ជាប់មកកាន់ក្រសួងពាណិជ្ជកម្ម តាមតំណភ្ជាប់ខាងក្រោម៖ Connect with Ministry of Commerce: 🌐 [Facebook ](https://web.facebook.com/moc.gov.kh) 🌐 [Telegram](https://t.me/mocnewsfeed) 🌐 [Website](https://www.moc.gov.kh/) 🌐 [YouTube](https://www.youtube.com/@mocgovkhcambodia) 🌐 [X (Twitter](https://twitter.com/MoCCambodia))