柬埔寨小学教师选岗工作启动 500余名教师参与

បេក្ខជនអាទិភាពទី១ ថ្ងៃទី១ វេនព្រឹក បានធ្វើដំណើរមកដល់មណ្ឌលសាលាភូមិន្ទរដ្ឋបាល ដើម្បីធ្វើការជ្រើសរើសកន្លែងការងារ ទឹកមុខពោរពេញដោយស្នាមញញឹម ក្ដីសង្ឃឹម និងភាពជឿជាក់ ដែលកំពុងស្ដែងឡើងនៅមណ្ឌលសាលាភូមិន្ទរដ្ឋបាល នាព្រឹកព្រលឹមថ្ងៃទី០៥ ខែតុលា ឆ្នាំ២០២៦ នេះ គឺជាថ្ងៃដំបូងនៃដំណើរការចាប់ប៉ុស្តិ៍ការងារ សម្រាប់បេក្ខជនជាប់បម្រុង ដែលបានបំពេញគ្រប់លក្ខខណ្ឌនៃការបណ្តុះបណ្តាលគរុកោសល្យ (អាទិភាពទី១) សម្រាប់ការប្រឡងប្រជែងជ្រើសរើសគ្រូបង្រៀនផ្អែកលើកិច្ចព្រមព្រៀងការងារ កម្រិតបឋមសិក្សា ឆ្នាំសិក្សា២០២៥-២០២៦។ ចាប់តាំងពីម៉ោង ៦:០០ព្រឹក បេក្ខជនជាប់បម្រុងកម្រិតបឋមសិក្សា (អាទិភាពទី១) សម្រាប់វេនពេលព្រឹក (លេខរៀងទី១ ដល់ទី១២០) បានធ្វើដំណើរមកដល់មណ្ឌល ក្រោមការសម្របសម្រួល និងរៀបចំពីក្រុមការងារនៃក្រសួងមុខងារសាធារណៈ។ បេក្ខជនទាំងអស់ត្រូវបានណែនាំ ពិនិត្យបញ្ជីឈ្មោះ និងផ្ទៀងផ្ទាត់ឯកសារចាំបាច់នៅច្រកចូល។ ទិដ្ឋភាពនាព្រឹកនេះ បានបង្ហាញពីគោរពពេលវេលារបស់បេក្ខជន ដែលភាគច្រើនបានមកដល់មណ្ឌលមុនម៉ោងកំណត់ ដើម្បីស្វែងរកលេខរៀង និងស្ដាប់ការណែនាំពីគណៈកម្មការ ព្រមទាំងមានការរៀបចំស្លៀកពាក់យ៉ាងរៀបរយស្របតាមការណែនាំ ដែលបានបញ្ជាក់ពីសេចក្តីថ្លៃថ្នូរជាមន្ត្រីរាជការ ខណៈដែលក្រុមការងារបច្ចេកទេសបានជួយសម្របសម្រួល ណែនាំបេក្ខជនចូលទៅកាន់កន្លែងអង្គុយរង់ចាំ និងពន្យល់អំពីនីតិវិធីនៃការចាប់ប៉ុស្តិ៍យ៉ាងយកចិត្តទុកដាក់។