旅游部联合公务部启动官员普查 旨在优化行政结构

ក្រសួងទេសចរណ៍ ជួបប្រជុំពិភាក្សាគ្នា ជាមួយក្រសួងមុខងារសាធារណៈដើម្បីត្រៀមការងារចុះធ្វើជំរឿនមន្ត្រីជាក់ស្តែង នាពេលខាងមុខ ដើម្បីឱ្យដំណើរការនៃការធ្វើជំរឿនមន្ត្រីជាក់ស្តែងប្រព្រឹត្តទៅបានដោយរលូន ទាន់ពេលវេលា និងអនុវត្តស្របតាមស្មារតីនៃសារាចររបស់រាជរដ្ឋាភិបាល គណៈកម្មការធ្វើបច្ចុប្បន្នភាពរចនាសម្ព័ន្ធ និងជំរឿនមន្ត្រីជាក់ស្តែង ដឹកនាំដោយ ឯកឧត្តម អែវ ប៊ុនថុល រដ្ឋលេខាធិការក្រសួងមុខងារសាធារណៈ និងជាប្រធានក្រុមការងារចុះជំរឿន និងឯកឧត្តម តុប សុភ័ក រដ្ឋលេខាធិការក្រសួងទេសចរណ៍ និងជាប្រធានក្រុមការងារទទួលបន្ទុកធ្វើបច្ចុប្បន្នភាពរចនាសម្ព័ន្ធនិងជំរឿនមន្ត្រីជាក់ស្តែងនៅតាមរចនាសម្ប័ន្ធក្រសួងទេសចរណ៍ បានជួបប្រជុំពិនិត្យពិភាក្សាការងារត្រៀមចុះធ្វើជំរឿនមន្ត្រីជាក់ស្តែង ដោយមានការអញ្ជើញចូលរួមពីថ្នាក់ដឹកនាំ និងមន្ត្រីជំនាញនៃគណៈកម្មការជំរឿនទាំងពីរក្រសួង ស្ថាប័ន។ ក្នុងកិច្ចប្រជុំនេះ ភាគីទាំងពីរបានផ្លាស់ប្តូរយោបល់ និងពិភាក្សាលម្អិតអំពីនីតិវិធី ការរៀបចំផែនការការងារ ការបែងចែកតួនាទី និងភារកិច្ចរបស់ក្រុមការងារពាក់ព័ន្ធ ព្រមទាំងការត្រៀមឯកសារ និងទិន្នន័យចាំបាច់នានា ដើម្បីធានាថាការចុះធ្វើជំរឿនអាចប្រព្រឹត្តទៅប្រកបដោយប្រសិទ្ធភាព និងភាពត្រឹមត្រូវខ្ពស់។ គោលដៅនៃការធ្វើជំរឿនមន្ត្រីជាក់ស្តែងនេះ គឺដើម្បីប្រមូលបានទិន្នន័យច្បាស់លាស់ទាំងរចនាសម្ព័ន្ធ ទាំងចំនួនមន្ត្រីដែលកំពុងបំពេញការងារជាក់ស្តែង។ ទាំងនេះនឹងនាំមកនូវផលប្រយោជន៍ និងភាពច្បាស់លាស់ ក្នុងការគ្រប់គ្រងរដ្ឋបាលសាធារណៈ និងជាដំណើរការនៃការពង្រឹងសមត្ថភាពស្ថាប័ន នៃការគ្រប់គ្រងរដ្ឋបាលសាធារណៈ។ អង្គប្រជុំបានឯកភាពក្នុងការធ្វើជំរឿនមន្ត្រីជាក់ស្តែងរបស់ក្រសួងទេសចរណ៍ នាពេលឆាប់ៗនេះ។​ ទីស្តីការ​ក្រសួងទេសចរណ៍  រសៀលថ្ងៃ​ទី១២ ខែមិថុនា ឆ្នាំ២០២៦​ #Cambodia #greenseasoncambodia #SolidaritySeason #ministryoftourismcambodia #huothak