国土部与UNESCO商讨吴哥古迹土地使用规划

ក្រសួងរៀបចំដែនដី នគរូបនីយកម្ម និងសំណង់ រៀបចំកិច្ចពិគ្រោះយោបល់ លើផែនការប្រើប្រាស់ដី និងលក្ខខណ្ឌនៃការប្រើប្រាស់ដី និងនគរូបនីយកម្ម ក្នុងតំបន់ ១ និងតំបន់២ នៃ”តំបន់រមណីយដ្ឋានបេតិកភណ្ឌពិភពលោកអង្គរ” ជាមួយ តំណាងអង្គការ UNESCO តំណាងស្ថានទូតបារាំង និងជប៉ុនប្រចាំកម្ពុជា ដែលជាសហប្រធាន ICC Angkor ដើម្បីឈានទៅរកការឯកភាពគ្នាក្នុងការដាក់ឱ្យដំណើរការជាផ្លូវការនូវផែនការប្រើប្រាស់ដីភូមិនៅតំបន់អង្គរ ។ នេះ គឺជាវិធាន នៃការប្រើប្រាស់ដី ច្បាស់លាស់ និងមានសារៈសំខាន់លើកដំបូង ក្នុងតំបន់១ និង តំបន់២ នៃតំបន់អង្គរ ដែលគិតគូរ និងឱ្យតម្លៃខ្ពស់ ដល់កាអភិរក្សបេតិកភណ្ឌពិភពលោកអង្គរ និងលើកស្ទួយជីវភាពបងប្អូនប្រជាពលរដ្ឋដែលរស់នៅក្នុងភូមិ ទាំង ១១៤ ក្នុងតំបន់អង្គរ ទំហំ ៤០១ គីឡូម៉ែត្រការ៉េ ។ សូមគូសបញ្ជាក់ថា ក្រសួងរៀបចំដែនដី នគរូបនីយកម្ម និងសំណង់ បានផលិតចេញនូវផែនការឯកភាពរួមមួយរវាងបងប្អូនប្រជាជនដែលរស់នៅក្នុងតំបន់អង្គរ អជ្ញាធរដែនដី និងអជ្ញាធរជាតិអប្សរា តាមរយៈការពិគ្រោះយោបល់លើសេចក្តីព្រាងផែនការប្រើប្រាស់ដី និងបញ្ញត្តិប្រើប្រាស់ដីភូមិទាំង១១៤ ក្នុងតំបន់រមណីយដ្ឋានបេតិភណ្ឌពិភពលោកអង្គរ ជាបន្តបន្ទាប់ មុនឈានដល់កិច្ចពិគ្រោះយោបល់នៅថ្ងៃនេះ។ ជាមួយគ្នានេះ តំណាងសហប្រធាន ICC Angkor ក៏ដូចជា តំណាង UNESCO បានវាយតម្លៃខ្ពស់ចំពោះកិច្ចខិតខំប្រឹងប្រែងរបស់កម្ពុជា លើការយកចិត្តទុកដាក់ដោះស្រាយបញ្ហាដ៏ស្មុគស្មាញ អស់រយៈកាលជាយូរអង្វែងនេះ ។ ក្នុងនាមដៃគូអភិវឌ្ឍន៍ តំណាង UNESCO និងតំណាងសហប្រធាន ICC Angkor គោរពតាមការសម្រេចចិត្តរបស់កម្ពុជា ក្នុងការរៀបចំការងារចាំបាច់នានា ក្នុងគោលដៅអភិរក្ស និងលើកកម្ពស់ជិវភាពរស់នៅរបស់ប្រជាពលរដ្ឋក្នុង ភូមិទាំង ១១៤ ស្របតាមបញ្ញតិ្តអន្តរជាតិ ។ **កិច្ចពិគ្រោះយោបល់** “ផែនការប្រើប្រាស់ដីភូមិក្នុងតំបន់រមណីយដ្ឋានបេតិកភណ្ឌពិភពលោកអង្គរ” នាទឹស្តីការក្រសួង។ ២២ កញ្ញា ២០២៦ #ការរៀបចំដែនដី #នគរូបនីយកម្ម #ប្លង់គោលប្រើប្រាស់ដី #ផែនការប្រើប្រាស់ដីភូមិ #ការរៀបចំភូមិឋាន #ភូមិឋានក្សេមក្សាន្ត #រមណីយដ្ឋានបេតិកភណ្ឌពិភពលោកអង្គរ #ហេដ្ឋារចនាសម្ព័ន្ធទ្រទ្រង់ទីប្រជុំជន #ខឿនសេដ្ឋកិច្ចនៅមូលដ្ឋាន #ខឿនសេដ្ឋកិច្ចជាតិ #សៀមរាប #អ្នកស្រុកអង្គរ #ក្រសួងរៀបចំដែនដីនគរូបនីយកម្មនិងសំណង់ #MLMUPC [**Join MLMUPC News**](https://t.me/MLMUPCofCambodia) 🌐 [**Website**](https://mlmupc.gov.kh/)[ ](https://mlmupc.gov.kh/) 🌐 [**Facebook**](https://www.facebook.com/mlmupc.pressteam) 🌐 [**Youtube**](https://www.youtube.com/@MLMUPC_KH) 🌐 [**Tiktok**](https://www.tiktok.com/@mlmupc_kh)