洪玛尼解析教师短缺三大成因 明年跨部门核定

ឆ្លើយតបនឹងការចង់ដឹងរបស់អ្នកសារព័ត៌មាន អំពីយន្តការដោះស្រាយបញ្ហាខ្វះគ្រូ ឯកឧត្តមឧបនាយករដ្ឋមន្ត្រី ហ៊ុន ម៉ានី បានពន្យល់ពីកិច្ចសហការស្អិតរមួតរវាងក្រសួងមុខងារសាធារណៈ ក្រសួងអប់រំ និងក្រសួងសេដ្ឋកិច្ច ក្នុងការប្រមូលទិន្នន័យឱ្យបានលឿន និងចំគោលដៅ ដោយលើកឡើងថា “ការខ្វះគ្រូនេះ តើវាអាចចេញមកពីទិដ្ឋភាពអ្វីខ្លះ? ទី១ កំណើននៃសិស្សនៅក្នុងសាលានោះ ទី២ លោកគ្រូ អ្នកគ្រូដែលដល់អាយុចូលនិវត្តន៍ ទី៣ ជាយថាហេតុណាក៏ដោយគឺបញ្ហាសុខភាព ឬក៏មានទុក្ខ...។ នៅឆ្នាំក្រោយ គឺយើងនឹងធ្វើជាផ្លូវការតែម្ដង ដោយពិភាក្សា និងកំណត់ឱ្យបានពីចម្ងាយ តាមលទ្ធភាពខ្ពស់ដែលអាចធ្វើទៅបាន [...] យើងត្រូវការការចូលរួមទាំងអស់គ្នា ជាពិសេសអាជ្ញាធរមូលដ្ឋាន។ យើងអាចកំណត់ទិន្នន័យ ឬក៏គណនា [...] គឺយើងអាចត្រៀមពីចម្ងាយបាន... ធំជាងគេធានាថាកុំឱ្យខ្វះគ្រូ និងការរៀនប្អូនៗសិស្សានុសិស្ស។” ទន្ទឹមនេះ ឯកឧត្តមឧបនាយករដ្ឋមន្ត្រី បានប្រកាសជូនដំណឹងល្អនូវចំណុចសំខាន់ដែលសាធារណជន និងអ្នកសារព័ត៌មានយកចិត្តទុកដាក់បំផុត គឺវាសនារបស់លោកគ្រូ-អ្នកគ្រូកិច្ចសន្យា ថា “រដ្ឋាភិបាលអត់បានភ្លេចពីគ្រូកិច្ចសន្យាទេ ផ្អែកទៅលើគោលការណ៍ សម្រាប់គ្រូកិច្ចសន្យា ដែលបានបំពេញភារកិច្ចឆ្នាំមុន ឆ្នាំបន្ទាប់ទៀត គឺយើងមានការរៀបចំកិច្ចសន្យាបន្ត។ យើងបានរៀបចំផែនការ ដើម្បីសមាហរណកម្មគ្រូកិច្ចសន្យា ឱ្យមកចូលក្នុងប្រព័ន្ធអប់រំ យុវជន និងកីឡា ក្នុងក្របខ័ណ្ឌជាគ្រូក្របខ័ណ្ឌ ដែលយើងនឹងធ្វើជាបីដំណាក់កាល ដោយសារឥឡូវទូទាំងប្រទេសដូចជា ១៣,០០០គ្រូកិច្ចសន្យា [...] វិធីសាស្ត្រដែលយើងបានគិតគូរ គឺយើងនឹងមានការបណ្ដុះបណ្ដាលគុណវុឌ្ឍិ បំពាក់គុណវុឌ្ឍិគាត់បន្ថែម ហើយនិងឈានទៅដល់ការប្រឡងផ្ទៃក្នុង ដើម្បីធ្វើយ៉ាងណាឱ្យពួកគាត់អាចមានឱកាស តាមរយៈការប្រកួតប្រជែង ចេញពីបទពិសោធ ដែលគាត់មាន [...] បើប្រឡងជាប់ អាចសមាហរណកម្មចូលមកជាគ្រូក្របខ័ណ្ឌ។” សូមអញ្ជើញស្តាប់ និងទស្សនាវីដេអូប្រសាសន៍ទាំងស្រុងរបស់ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានគណៈកម្មការរៀបចំការប្រឡងប្រជែ ពអំពីយន្តការកំណែទម្រង់ការប្រឡង យុទ្ធសាស្ត្ររួមគ្នាក្នុងការដោះស្រាយបញ្ហាខ្វះគ្រូ ដំណោះស្រាយសម្រាប់បេក្ខជនបម្រុង និងគោលនយោបាយគិតគូរវែងឆ្ងាយចំពោះលោកគ្រូ-អ្នកគ្រូកិច្ចសន្យា ទូទាំងប្រទេស ក្នុងឱកាសចុះពិនិត្យដំណើរការ ប្រឡងប្រជែងជ្រើសរើសគ្រូបង្រៀនផ្អែកលើកិច្ចព្រមព្រៀងការងារ កម្រិតបឋមសិក្សា ឆ្នាំសិក្សា២០២៦-២០២៧។