洪玛尼委派代表慰问实居省患病医务人员

**🙏 ឧបនាយករដ្ឋមន្ត្រី ហ៊ុន ម៉ានី ចាត់តំណាងចុះសួរសុខទុក្ខមន្ត្រីសុខាភិបាលខេត្តកំពង់ស្ពឺ ដែលកំពុងសម្រាកព្យាបាលជំងឺបេះដូងនៅមន្ទីរពេទ្យ មិត្តភាពខ្មែរសូវៀត🙏** **នៅរសៀលថ្ងៃចន្ទ ទី២៦ ខែតុលា ឆ្នាំ២០២៦ តាមការចង្អុលបង្ហាញដ៏ខ្ពង់ខ្ពស់របស់ ឯកឧត្តមហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ស្ពឺ ឯកឧត្តមបណ្ឌិត ហេង សុខគង់ បានដឹកនាំក្រុមការងារសម្របសម្រួលវិស័យសុខាភិបាលខេត្តកំពង់ស្ពឺ រួមជាមួយសហការី និងលោកស្រីវេជ្ជបណ្ឌិត ស៊ីន សុភាព ប្រធានការិយាល័យសុខាភិបាលស្រុកប្រតិបត្តិកំពង់ស្ពឺ តំណាងលោកវេជ្ជបណ្ឌិត ហុក គ្រី ប្រធានមន្ទីរសុខាភិបាលខេត្តកំពង់ស្ពឺ អញ្ជើញចុះសួរសុខទុក្ខលោក ហេង សុធា ប្រធានផ្នែកគណនេយ្យ នៃការិយាល័យសុខាភិបាលស្រុកប្រតិបត្តិកំពង់ស្ពឺ ដែលកំពុងសម្រាកព្យាបាលជំងឺបេះដូងនៅអគារជំងឺបេះដូង បន្ទប់លេខ៣០៤ ជាន់ទី៣ នៃមន្ទីរពេទ្យមិត្តភាពខ្មែរ-សូវៀត។** **ក្នុងឱកាសនោះ ឯកឧត្តមបណ្ឌិត ហេង សុខគង់ បាននាំយកនូវការផ្តាំផ្ញើសួរសុខទុក្ខ និងពាក្យជូនពរពីឯកឧត្តមឧបនាយករដ្ឋមន្ត្រី ហ៊ុន ម៉ានី ប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ស្ពឺ ជូនលោក ហេង សុធា ព្រមទាំងបានបួងសួងដល់វត្ថុស័ក្តិសិទ្ធិទាំងឡាយ សូមជួយបីបាច់ថែរក្សា និងប្រទានពរឱ្យលោកឆាប់បានជាសះស្បើយ មានសុខភាពល្អប្រសើរឡើងវិញ។** **ជាមួយគ្នានេះ ឯកឧត្តមបណ្ឌិតបានប្រគល់ជូនលោក ហេង សុធា នូវថវិកា កន្ត្រកផ្លែឈើ និងនំ ដែលជាអំណោយដ៏ថ្លៃថ្លារបស់ឯកឧត្តមឧបនាយករដ្ឋមន្ត្រី ហ៊ុន ម៉ានី ដើម្បីសម្តែងនូវការយកចិត្តទុកដាក់ សួរសុខទុក្ខ និងលើកទឹកចិត្តដល់លោកក្នុងអំឡុងពេលសម្រាកព្យាបាលជំងឺ។** **ជាចុងក្រោយ ឯកឧត្តមបណ្ឌិត ហេង សុខគង់ បានជូនពរលោក ហេង សុធា ឱ្យឆាប់ជាសះស្បើយ មានសុខភាពល្អមាំមួន និងបានវិលត្រឡប់ទៅកាន់គេហដ្ឋាន ដើម្បីជួបជុំក្រុមគ្រួសារ ព្រមទាំងបន្តបំពេញការងារចូលរួមបម្រើសេវាសុខាភិបាលជូនប្រជាពលរដ្ឋវិញ ចំណែកលោក ហេង សុធា និងក្រុមគ្រួសារបានថ្លែងអំណរគុណយ៉ាងជ្រាលជ្រៅចំពោះការយកចិត្តទុកដាក់ប្រកបដោយមនោសញ្ចេតនាដ៏ឧត្តុង្គឧត្តមរបស់ឯកឧត្តមឧបនាយករដ្ឋមន្ត្រីមកដល់មន្ត្រីរាជការ និងប្រជាពលរដ្ឋទាំងអស់នៅខេត្តកំពង់ស្ពឺ និងសូមគោរពជូនពរឯកឧត្តមឧបនាយករដ្ឋមន្ត្រី និងលោកជំទាវ ព្រមទាំងក្រុមគ្រួសារទទួលបាននូវសេចក្តីសុខ សេចក្តីចម្រើន និងជោគជ័យគ្រប់ភារកិច្ចការងារ 🙏❤️🙏**