洪玛尼出席JCI柬埔寨年会晚宴 2027届理事会就职

អបអរសាទរមហាសន្និបាតថ្នាក់ជាតិលើកទី១៦ និងពិធីតែងតាំងតំណែងក្រុមប្រឹក្សាភិបាលថ្នាក់ជាតិ ឆ្នាំ២០២៧ របស់សភាយុវពាណិជ្ជករអន្តរជាតិកម្ពុជា** 🎉 🥂** នាថ្ងៃទី១ ខែវិច្ឆិកា ឆ្នាំ២០២៦ ឯកឧត្តម** **ហ៊ុន** **ម៉ានី ប្រធានសហភាពសហព័ន្ធយុវជនកម្ពុជា (ស.ស.យ.ក.) បានអញ្ជើញជាអធិបតីភាពក្នុង **«**កម្មវិធីជប់លៀងអបអរសាទរ** **មហាសន្និបាតប្រចាំឆ្នាំ២០២៦** **របស់សភាយុវពាណិជ្ជករអន្តរជាតិកម្ពុជា** (JCI Cambodia)»** ដែលបានប្រព្រឹត្តទៅនៅសណ្ឋាគារ សាន់ អេន មូន រីវើរផ្សាយ (Sun & Moon Riverside Hotel)។ ពិធីនេះមានការអញ្ជើញចូលរួមពីសំណាក់ ក្រុមប្រឹក្សាភិបាល សមាជិក សមាជិកា ក្រុមការងារសភាយុវពាណិជ្ជករអន្តរជាតិកម្ពុជា ព្រមទាំងតំណាងស្ថាប័នឧបត្ថម្ភ និងដៃគូសហការនានា។ ជាកិច្ចចាប់ផ្តើម លោកស្រី** **សែ** **សម្ផស្ស អគ្គលេខាធិការថ្នាក់ជាតិនៃ JCI Cambodia ឆ្នាំ២០២៦ បានសម្តែងនូវគារវកិច្ចស្វាគមន៍ និងថ្លែងអំណរគុណយ៉ាងជ្រាលជ្រៅចំពោះវត្តមានដ៏ខ្ពង់ខ្ពស់របស់ ឯកឧត្តម** **ហ៊ុន** **ម៉ានី ដែលបានផ្តល់កិត្តិយសអញ្ជើញជាអធិបតីក្នុងកម្មវិធីនាឱកាសនេះ។ ជាកិច្ចបន្ទាប់ លោក** **អន** **ឡៃឃាង** (**លី** **ដេវីត**)** ប្រធានថ្នាក់ជាតិ JCI Cambodia ឆ្នាំ២០២៦ បានសម្តែងនូវការស្វាគមន៍យ៉ាងកក់ក្តៅ និងបានឡើងរាយការណ៍អំពីសមិទ្ធផលការងារក្នុងដំណើរដឹកនាំនាឆ្នាំ២០២៦ ជូនចំពោះ ឯកឧត្តមប្រធានអធិបតី ព្រមទាំងអង្គពិធីទាំងមូល។ ក្នុងឱកាសនោះ បន្ទាប់ពីបានស្តាប់របាយការណ៍ស្វាគមន៍ និងសមិទ្ធផលការងារឆ្នាំ២០២៦ ពី លោកស្រី** **សែ** **សម្ផស្ស អគ្គលេខាធិការថ្នាក់ជាតិ និង លោក** **អន** **ឡៃឃាង** (**លី** **ដេវីត**)** ប្រធានថ្នាក់ជាតិ JCI Cambodia ឆ្នាំ២០២៦ រួចមក ឯកឧត្តម** **ហ៊ុន** **ម៉ានី បានសម្តែងនូវសេចក្តីសោមនស្សរីករាយ និងបានកោតសរសើរ វាយតម្លៃខ្ពស់ចំពោះសមិទ្ធផលនានាដែល JCI Cambodia សម្រេចបាននាពេលកន្លងមក។ ជាមួយគ្នានេះ ឯកឧត្តមក៏បានអបអរសាទរចំពោះ លោក** **ជា** **សុខហុី** (Bill)** ដែលត្រូវបានជ្រើសរើសជាប្រធានថ្នាក់ជាតិ JCI Cambodia សម្រាប់ឆ្នាំ២០២៧ ព្រមទាំងសមាជិក សមាជិកាក្រុមប្រឹក្សាភិបាលថ្នាក់ជាតិ ឆ្នាំ២០២៧ ទាំងអស់ផងដែរ។ ឯកឧត្តមប្រធាន បានគូសបញ្ជាក់ថា ស.ស.យ.ក. និង JCI Cambodia តែងតែមានកិច្ចសហប្រតិបត្តិការយ៉ាងជិតស្និទ្ធលើគម្រោងសំខាន់ៗជាច្រើន (ដូចជា JCI ASPAC 2024, កម្មវិធីរត់ដើម្បីកុមារអូទីស្ទីម និងគម្រោង «គោរពអាន ២០២៦»)។ ទន្ទឹមនឹងនេះ ឯកឧត្តមប្រធាន ក៏បានជូនពរដល់ប្រធានថ្នាក់ជាតិថ្មី ឱ្យទទួលបានជោគជ័យ និងអាចសម្រេចភារកិច្ចបានកាន់តែល្អប្រសើរជាងឆ្នាំមុនៗបន្ថែមទៀត ក្នុងគោលដៅរួមគ្នាចូលរួមជាមួយរាជរដ្ឋាភិបាល និងស្ថាប័នដៃគូ ដើម្បីកសាង និងអភិវឌ្ឍន៍ប្រទេសកម្ពុជាឱ្យកាន់តែរឹងមាំទាំងកម្រិតជាតិ និងអន្តរជាតិ។ **👉🏽តំណភ្ជាប់ទៅកាន់បណ្តាញសង្គមរបស់ ស.ស.យ.ក.** 🌐**uyfc.org** 📱[**Facebook**](https://www.facebook.com/uyfccambodia) 📱[**YouTube**](https://www.youtube.com/@unionofyouthfederationcambodia)** ** 📱[**Telegram**](https://t.me/uyfc_news)** ** 📱** **[**TikTok**](https://www.tiktok.com/@uyfccambodia?_t=8fUJ9WcjHX8)