柬埔寨国防部驳斥泰媒虚假报道 否认向泰军方发射M79

ចោទថាកងកម្លាំងកម្ពុជាបាញ់M79ចូលទីតាំងយោធាថៃ ក្រសួងការពារជាតិឱ្យ​សារព័ត៌មានថៃ​កែតម្រូវជាបន្ទាន់! ============= កាលពីថ្ងៃទី១៤ ខែឧសភា ឆ្នាំ២០២៦ សារព័ត៌មានថៃមួយចំនួនបានបន្តចុះផ្សាយព័ត៌មានមិនពិត ចោទប្រកាន់មកលើកងកម្លាំងកម្ពុជា គឺចោទថាបានបាញ់កាំភ្លើង M79 ចូលទីតាំងយោធាថៃ នៅភូមិសាស្រ្តទល់មុខតំបន់វាលឥន្ទ្រី ក្នុងខេត្តព្រះវិហារ។ ករណីនេះអ្នកនាំពាក្យក្រសួងការពារជាតិកម្ពុជាប្រកាសច្រានចោលទាំងស្រុងនិងយ៉ាងដាច់ខាត ព្រោះជាការចោទប្រកាន់ដែលគ្មានមូលដ្ឋានភស្តុតាងណាមួយឡើយ។ ក្រសួងការពារជាតិកម្ពុជាចាត់ទុកការផ្សព្វផ្សាយនេះជាព័ត៌មានមិនពិត និងជាការមួលបង្កាច់យ៉ាងធ្ងន់ធ្ងរ ក្នុងចេតនាបង្កការភាន់ច្រឡំ បំភាន់សាធារណមតិ និងបង្កភាពតានតឹងតាមបណ្តោយព្រំដែន។ ក្រសួងការពារជាតិកម្ពុជាមិនអាចទទួលយកបានឡើយចំពោះការផ្សព្វផ្សាយព័ត៌មានមិនពិត ដែលប៉ះពាល់ដល់កិត្តិយសកងយោធពលខេមរភូមិន្ទ និងបង្កហានិភ័យដល់សន្តិសុខ ស្ថិរភាព និងសុវត្ថិភាពនៅតាមបណ្តោយព្រំដែន ដូច្នេះបានស្នើឱ្យសារព័ត៌មានថៃកែតម្រូវជាបន្ទាន់។ ============= [🌐អានព័ត៌មាន ](https://vayofm.com/news/detail/143817-556.html)[ ](https://vayofm.com/news/detail/143778-362.html)[**👉Faceboo**](https://www.facebook.com/vayofm)[**k 👉Telegram**](https://t.me/vayofm)** **[** **](https://www.youtube.com/@vayofm105)[**👉TikTok**](https://www.tiktok.com/@vayofmradio?_t=8qP0w6MsZfe&_r=1)[** 👉YouTube**](https://www.youtube.com/@vayofm105)** **[**👉IOS**](https://apps.apple.com/us/app/vayo-fm-radio/id993070474)[** 👉Android**](https://play.google.com/store/apps/details?id=com.vayofm.bunsorng.vayoapp)