第31届吴哥窟国际半程马拉松报名火热，目前已有1.2万人报名

[来源: 柬埔寨国家电视台] [分类提示: NEWS] 标题: ទិវារត់ប្រណាំងអន្តរជាតិពាក់កណ្ដាលម៉ារ៉ាតុងនៅអង្គរវត្តឆ្នាំនេះមានអ្នកចុះឈ្មោះ១២០០០នាក់ហើយ គិតមកទល់ពេលនេះមានអ្នកចុះឈ្មោះប្រមាណ១២០០០នាក់ហើយដើម្បីចូលរួមរត់ប្រណាំងអន្តរជាតិពាក់កណ្ដាលម៉ារ៉ាតុង លើកទី៣១ នៅអង្គរវត្ត ខណៈឆ្នាំ២០២៥ កន្លងទៅមានអ្នកចូលរួមសរុបជាង១៧០០០នាក់។ សម្រាប់ចម្ងាយផ្លូវរត់មាន២១គីឡូម៉ែត្រ ១០គីឡូម៉ែត្រ ៥គីឡូម៉ែត្រ និង៣គីឡូម៉ែត្រ។ អ្នកចុះឈ្មោះវិញ្ញាសា១០គីឡូម៉ែត្រមានចំនួនច្រើនជាងគេ គឺជិត៦០០០នាក់ហើយ ព្រឹត្តិការណ៍នេះ រៀបចំឡើងក្នុងគោលបំណងដ៏សំខាន់មួយទៀត គឺបំផុសសកម្មភាពកីឡាដើម្បីសុខភាពសាធារណៈ។ ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា មានប្រសាសន៍ថា ការរៀបចំទិវារត់ប្រណាំងដ៏ធំនេះនៅតែរក្សាគោលបំណងដដែលគឺផ្សព្វផ្សាយពីទេសចរណ៍នៅតំបន់អង្គរ ជួយដល់សប្បុរសធម៌ដូចជា ជនរងគ្រោះដោយសារគ្រាប់មីន មន្ទីរពេទ្យកុមារអង្គរ មន្ទីរពេទ្យគន្ធបុប្ផា កាកបាទក្រហម និងអង្គការផ្សេងៗមួយចំនួនទៀត។ ទន្ទឹមនឹងនេះ ព្រឹត្តិការណ៍ដដែលនឹងផ្សព្វផ្សាយពីការការពារបរិស្ថាននៅតំបន់អង្គរ។ ឯកឧត្ដម វ៉ាត់ ចំរើន សង្កត់ធ្ងន់ថា ប្រសិនជាប្រជាជនរាប់លាននាក់ខិតខំថែរក្សាសុខភាព នោះប្រៀបដូចជួយដល់សេដ្ឋកិច្ចសង្គម ជាពិសេសលើកទឹកចិត្តឱ្យប្រជាជនម្នាក់លេងកីឡាមួយមុខប្រចាំជីវិត។ ដើម្បីញុំាងទិវារត់ប្រណាំងអន្តរជាតិពាក់កណ្ដាលម៉ារ៉ាតុងកាន់តែផុសផុល លោក ចាន់ រដ្ឋា អគ្គនាយកក្រុមហ៊ុន Manulife Cambodia បង្ហើបថា ក្រុមហ៊ុនរបស់លោកក៏បានអញ្ជើញដៃគូមកពីប្រទេសជាច្រើនដូចជា សិង្ហបុរី ជប៉ុន ក្រុងឌូបៃ ក្រុងតូរុនតូនៃប្រទេសកាណាដា ហូឡង់ និងបណ្ដាប្រទេសមួយចំនួនទៀតនៅអឺរ៉ុប។ លោកអគ្គនាយកចាត់ទុកថា ទិវានេះពិតជាទទួលបានជោគជ័យពីមួយឆ្នាំទៅមួយឆ្នាំ ជាពិសេសកាលឆ្នាំ២០២៥កន្លងទៅ បានបង្កើតកំណត់ត្រាប្រវត្តិសាស្ត្រថ្មី ដែលទាក់ទាញអ្នករត់ជាតិ និងអន្តរជាតិដល់ទៅ១៧០០០ន