公务员部与矿产能源部启动职能重组 旨在消除部门职能重叠

«[ពង្រឹង ជាជាងពង្រីក»៖ ក្រសួងមុខងារសាធារណៈ និងក្រសួងរ៉ែ និងថាមពល ជួបពិភាក្សាសម្រួចរចនាសម្ព័ន្ធការងារនៃអង្គភាពចំណុះ ដើម្បីជៀសវាងការអនុវត្តតួនាទីជាន់គ្នា](https://www.facebook.com/share/p/1E4SX2rQoy/) ភ្នំពេញ៖ ក្នុងគោលបំណងបន្តជំរុញការកែទម្រង់រដ្ឋបាលសាធារណៈឱ្យកាន់តែមានប្រសិទ្ធភាព និងធានាឱ្យការរៀបចំយន្តការប្រតិបត្តិការរបស់ក្រសួង ស្ថាប័នមានភាពច្បាស់លាស់ ស៊ីចង្វាក់ និងឆ្លើយតបនឹងតម្រូវការការងារជាក់ស្តែង ក្រសួងមុខងារសាធារណៈ បានរៀបចំកិច្ចប្រជុំកម្រិតបច្ចេកទេសជាមួយក្រសួងរ៉ែ និងថាមពល ព្រមទាំងក្រសួង ស្ថាប័នពាក់ព័ន្ធ ដើម្បីពិនិត្យ និងពិភាក្សាលើការកែសម្រួលរចនាសម្ព័ន្ធអង្គភាពចំណុះឱ្យកាន់តែមានប្រសិទ្ធភាព និងលុបបំបាត់ភាពស្ទួនមុខងារគ្នា។ កិច្ចប្រជុំនេះ បានប្រព្រឹត្តទៅនារសៀលថ្ងៃទី១ ខែកក្កដា ឆ្នាំ២០២៦ នៅសាលាភូមិន្ទរដ្ឋបាល ក្រោមការដឹកនាំរបស់ លោកជំទាវ ឈី វិជ្ជរ៉ា រដ្ឋលេខាធិការក្រសួងមុខងារសាធារណៈ និងឯកឧត្តម ស៊ុយ ឌីម៉ង់ រដ្ឋលេខាធិការក្រសួងរ៉ែ និងថាមពល។ កិច្ចពិភាក្សាបានផ្តោតលើសេចក្តីព្រាងប្រកាសស្តីពី «ការរៀបចំ និងការប្រព្រឹត្តទៅនៃការិយាល័យចំណុះនាយកដ្ឋាន មន្ទីរពិសោធន៍ និងលេខាធិការដ្ឋានរបស់អគ្គលេខាធិការដ្ឋាន និងអគ្គនាយកដ្ឋាននៃក្រសួងរ៉ែ និងថាមពល» ដោយផ្តោតលើការរៀបចំរចនាសម្ព័ន្ធអង្គភាពនីមួយៗឱ្យសមស្របទៅនឹងតួនាទី ភារកិច្ច និងមុខងារជាក់ស្តែង ស្របតាមបេសកកម្ម និងទិសដៅអភិវឌ្ឍន៍របស់ក្រសួង។