公共工程与运输部深化公务员普查 消除行政不规范

[ឯកឧត្តម ប៉េង ពោធិ៍នា៖ ការធ្វើជំរឿនតាមប្រព័ន្ធឌីជីថល នឹងពង្រឹងការគ្រប់គ្រងមន្ត្រីរាជការ និងលុបបំបាត់ភាពមិនប្រក្រតី](https://m.facebook.com/story.php?story_fbid=pfbid02qFLrF8NZsmPQfSQt6QCQ3WiS1ZdHfBzFninK4Gkzn3vCHBPqKorpjDzyrUrbVxNzl&id=61552764801080) "ដំណើរការធ្វើជំរឿនមន្ត្រីរាជការស៊ីវិល គឺជាយន្តការដ៏សំខាន់ក្នុងការបង្កើតប្រព័ន្ធរួមមួយ ដើម្បីចែករំលែកទិន្នន័យ និងបង្កើនប្រសិទ្ធភាពនៃការគ្រប់គ្រងចំនួនមន្ត្រីរាជការ ជាក់ស្តែងនៅក្នុងក្រសួងសាធារណការ និងដឹកជញ្ជូន។" នេះជាការលើកឡើងរបស់ ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន ក្រោយពេលឯកឧត្តមបានធ្វើជីវមាត្រក្នុងយុទ្ធនាការធ្វើបច្ចុប្បន្នភាពរចនាសម្ព័ន្ធ និងជំរឿនមន្ត្រីជាក់ស្តែង នៅក្នុងរចនាសម្ព័ន្ធក្រសួងសាធារណការ និងដឹកជញ្ជូន។ ឯកឧត្តមរដ្ឋមន្ត្រីបានគូសបញ្ជាក់បន្ថែមថា យុទ្ធនាការជំរឿននេះ នឹងផ្តល់អត្ថប្រយោជន៍ដល់ការងារគ្រប់គ្រង និងការអភិវឌ្ឍធនធានមនុស្ស រួមមាន៖ (១)ការបង្កើតប្រព័ន្ធទិន្នន័យរួម៖ អាចឱ្យយើងមានប្រព័ន្ធមួយរួម ដែលជាប្រព័ន្ធអាចចែករំលែកទិន្នន័យ ក៏ដូចជាការគ្រប់គ្រងនូវចំនួនមន្ត្រីរាជការនៅក្នុងក្រសួង ជាពិសេសក្រសួងសាធារណការ និងដឹកជញ្ជូន។ (២)ការគ្រប់គ្រងវត្តមាន និងប្រាក់បៀវត្ស៖ អាចឱ្យយើងគ្រប់គ្រងមន្ត្រីក្នុងក្រសួង ទាំងចំនួនពិតប្រាកដដែលមកបម្រើការងារ វត្តមានមន្ត្រី ក៏ដូចជាការគ្រប់គ្រងប្រាក់បៀវត្ស ដែលរាល់ថ្ងៃរាជរដ្ឋាភិបាល បានគិតគូរយកចិត្តទុកដាក់ ទាំងប្រាក់បៀវត្ស របបនយោបាយ និងការលើកទឹកចិត្តផ្សេងៗ ទៅតាមបរិមាណមន្ត្រីរាជការដែលមាននៅក្នុងក្រសួង ស្ថាប័ន។ (៣)ការពង្រឹងសមត្ថភាពធនធានមនុស្ស៖ អាចជួយដល់ការពង្រឹងធនធានមនុស្សទៅតាមអង្គភាពនីមួយៗ ក៏ដូចជាក្រសួងសាធារណការ និងដឹកជញ្ជូន ដោយសារមកទល់ពេលនេះ នៅតាមអង្គភាពនីមួយៗ មានមន្ត្រីដែលកំពុងបម្រើការងារមិនត្រូវតាមជំនាញ តួនាទី ភារកិច្ច។ ដូច្នេះ ការធ្វើជំរឿននេះ អាចឱ្យយើងពង្រឹងធនធានមនុស្សតាមការបណ្តុះបណ្តាល ឬតាមយន្តការផ្សេងៗដែលអាចធ្វើបាន។ (៤)ការលុបបំបាត់ភាពមិនប្រក្រតី៖ យន្តការនេះនឹងលុបបំបាត់នូវរាល់ភាពមិនប្រក្រតីទាំងឡាយ រវាងចំនួនមន្ត្រីដែលមាននៅក្នុងបញ្ជី និងមន្ត្រីដែលធ្វើទិន្នន័យជាក់ស្តែង។