司法部召开会议 强化打击毒品犯罪及资产管控

ឯកឧត្តម** **ឯម** **ច័ន្ទមករា** **អញ្ជើញដឹកនាំកិច្ចប្រជុំក្រុមការងារពាក់ព័ន្ធនឹងការងារប្រយុទ្ធប្រឆាំងគ្រឿងញៀនខុសច្បាប់ និងការងារទាក់ទងនឹងវត្ថុតាងបទល្មើសគ្រឿងញៀន ===================== **(**ភ្នំពេញ**)**៖ នៅព្រឹកថ្ងៃពុធ ថ្ងៃទី២១ ខែតុលា ឆ្នាំ២០២៦នេះ ឯកឧត្តម ឯម ច័ន្ទមករា រដ្ឋលេខាធិការក្រសួងយុត្តិធម៌ និងជាប្រធានក្រុមការងារពាក់ព័ន្ធនឹងការងារប្រយុទ្ធប្រឆាំងគ្រឿងញៀនខុសច្បាប់ និងការងារទាក់ទងនឹងវត្ថុតាងបទល្មើសគ្រឿងញៀន បានអញ្ជើញដឹកនាំកិច្ចប្រជុំក្រុមការងារដើម្បីពិនិត្យលើវឌ្ឍនភាពការងារ និងលើកទិសដៅបន្ត។ កិច្ចប្រជុំនេះ ក៏មានការចូលរួមពីឯកឧត្តម យឹម សារី អនុប្រធានប្រចាំការ និងឯកឧត្តម នុប សុធនវិសុទ្ធ អនុប្រធាន ព្រមទាំងសមាជិក សមាជិការនៃក្រុមពាក់ព័ន្ធនឹងការងារប្រយុទ្ធប្រឆាំងគ្រឿងញៀនខុសច្បាប់ និងការងារទាក់ទងនឹងវត្ថុតាងបទល្មើសគ្រឿងញៀន នៅទីស្តីការក្រសួងយុត្តិធម៌។ កិច្ចប្រជុំនេះ បានក៏ផ្តោតការពិនិត្យលើការរៀបចំកិច្ចប្រជុំផ្សព្វផ្សាយជាមួយសាលាដំបូង និងអយ្យការអមសាលាដំបូងរាជធានី ខេត្ត អំពីតួនាទី និងភារកិច្ចរបស់ក្រុមការងារ និងការធ្វើបទបង្ហាញអមពីការប្រើប្រាស់ទម្រង់របាយការណ៍ដើម្បីងាយស្រួលក្នុងការតាមដាន ការប្រមូល ការគ្រប់គ្រង និងការចាត់ចែងទ្រព្យសម្បត្តិដែលពាក់ព័ន្ធនឹងបទល្មើសគ្រឿងញៀន៕