柬泰海域争端升级 泰国寻求国际法律应对

**រដ្ឋមន្ដ្រីថៃចាប់ផ្ដើមជួបទីប្រឹក្សាផ្នែកច្បាប់អន្ដរជាតិត្រៀមទប់ទល់កម្ពុជាតាមយន្ដការផ្សះផ្សាដោយបង្ខំ** ============= រដ្ឋមន្រ្តីក្រសួងការបរទេសថៃ លោកSihasak Phuangketkeow បានជួបទីប្រឹក្សាផ្នែកច្បាប់​អន្តរជាតិរបស់ថៃ នៅក្នុងទីក្រុងប៉ារីសប្រទេសបារាំង ដើម្បីពិភាក្សា អំពី ការរៀបចំយុទ្ធសាស្រ្តផ្នែកច្បាប់ ត្រៀម​ទប់ទល់ជាមួយកម្ពុជាតាមយន្តការផ្សះផ្សាដោយបង្ខំ ក្រោមអនុសញ្ញាអង្គការសហប្រជាជាតិ ស្តីពី នីតិសមុទ្រ​(UNCLOS)។ ការពិភាក្សាបានផ្តោតលើ​យុទ្ធសាស្រ្តផ្នែក​ច្បាប់ដ៏រឹងមាំរបស់ថៃ, ជំហររបស់ប្រទេសថៃលើតំបន់​ដែនសមុទ្រដែលមានជម្លោះ និងជំហានដែលអាចធ្វើ​ទៅបានក្រោមដំណើរការផ្សះផ្សាដោយបង្ខំ។ កម្ពុជាបានងាកមកប្រើយន្តការផ្សះផ្សាដោយបង្ខំ ក្រោម​អនុសញ្ញាUNCLOSនេះ ក្រោយភាគីថៃអនុម័ត​សម្រេច​បញ្ចប់ជាឯកតោភាគីនូវអនុស្សរណៈយោគយល់គ្នាឆ្នាំ២០០១ ដែលជាក្របខណ្ឌទ្វេភាគីតែមួយគត់រវាងប្រទេស​ទាំងពីរ ដើម្បីដោះស្រាយដោយសន្តិវិធី និងផ្អែកលើច្បាប់​អន្តរជាតិនូវបញ្ហាត្រួតគ្នាក្នុងដែនសមុទ្ររវាងប្រទេសទាំងពីរ ក៏ដូចជាក្នុងការដោះស្រាយបញ្ហាព្រំដែនសមុទ្រ​រវាងប្រទេសទាំងពីរ។ ============= [🌐អានព័ត៌មាន ](https://vayofm.com/news/detail/144093-594.html) [**👉Facebook**](https://www.facebook.com/vayofm)[** 👉Telegram **](https://t.me/vayofm)[** **](https://www.youtube.com/@vayofm105)[**👉TikTok**](https://www.tiktok.com/@vayofmradio?_t=8qP0w6MsZfe&_r=1)[** 👉YouTube**](https://www.youtube.com/@vayofm105)** **[**👉IOS**](https://apps.apple.com/us/app/vayo-fm-radio/id993070474)[** 👉Android**](https://play.google.com/store/apps/details?id=com.vayofm.bunsorng.vayoapp)