卫生部督导卡尔梅特医院 强调医疗质量与感染控制

កិច្ចប្រជុំស្តីពីវឌ្ឍនៈភាពគណៈកម្មការថែទាំ បច្ចេកទេសថែទាំវេជ្ជសាស្រ្ត និងស្តារលទ្ធភាពឡើងវិញ ឆមាសទី១ ឆ្នាំ២០២៦។ —— រាជធានីភ្នំពេញ៖ ថ្ងៃព្រហស្បតិ៍ ទី៩ ខែកក្កដា ឆ្នាំ២០២៦ លោកជំទាវសាស្ត្រាចារ្យ អុឹម សិទ្ធិការ្យ រដ្ឋលេខាធិការក្រសួងសុខាភិបាល បានអញ្ជើញជាអធិបតីក្នុងកិច្ចប្រជុំស្តីពី វឌ្ឍនៈភាពគណៈកម្មការថែទាំ បច្ចេកទេសថែទាំវេជ្ជសាស្រ្ត និងស្តារលទ្ធភាពឡើងវិញ ឆមាសទី១ ឆ្នាំ២០២៦។ មន្ទីរពេទ្យកាល់ម៉ែត បន្តបោះជំហានយ៉ាងមុតមាំក្នុងការលើកកម្ពស់គុណភាពសេវាថែទាំសុខាភិបាល ដោយក្នុងឆមាសទី១ ឆ្នាំ២០២៦ កន្លងទៅនេះ គណៈកម្មការថែទាំបច្ចេកទេសវេជ្ជសាស្ត្រ និងស្ដារលទ្ធភាពឡើងវិញ បានសម្រេចនូវសមិទ្ធផលលេចធ្លោជាច្រើន ដើម្បីធានាបាននូវសុវត្ថិភាព និងទំនុកចិត្តជូនអ្នកជំងឺ ក្នុងឆមាសទី១ ឆ្នាំ២០២៦៖ -ការចុះអភិបាល (Sport check) និងពង្រឹងគុណភាពផ្ទាល់ -ការអភិវឌ្ឍធនធានមនុស្ស និងការចុះបញ្ជិកាគណៈវិជ្ជាជីវៈ -កិច្ចការបណ្ដុះបណ្ដាលបន្ត (In-Service Training) -ការលើកទឹកចិត្តបុគ្គលិកឆ្នើម -ការគ្រប់គ្រងការចម្លងរោគ។ ជាចុងក្រោយ លោកជំទាវសាស្ត្រាចារ្យ បានថ្លែងអំណរគុណ និងកោតសរសើរចំពោះថ្នាក់ដឹកនាំ និងបុគ្គលិកមន្ទីរពេទ្យកាល់ម៉ែតទាំងអស់ ដែលបានលះបង់កម្លាំងកាយចិត្តក្នុងការបំពេញការងារថែទាំ និងព្យាបាលជូនប្រជាពលរដ្ឋ ដោយទទួលបានលទ្ធផលជាច្រើន ដែលឆ្លុះបញ្ចាំងតាមរយៈគុណភាព ប្រសិទ្ធភាព ក្រមសីលធម៌វិជ្ជាជីវៈ និងសូមលើកទឹកចិត្តក្រុមការងារ សូមបន្តការដឹកនាំទៅតាមផែនការទិសដៅសម្រាប់ ឆមាសទី២។ កិច្ចប្រជុំនេះ មានការអញ្ជើញចូលរួមពីសំណាក់ អគ្គគិលានុបដ្ឋាយិកា ជំនួយការអគ្គគិលានុបដ្ឋាកយិកា ប្រធានក្រុមប្រឹក្សាគណៈគិលានុបដ្ឋាកមន្ទីរពេទ្យកាល់ម៉ែត ប្រធានក្រុមប្រឹក្សាគណៈឆ្មបមន្ទីរពេទ្យកាល់ម៉ែត នាយសាល និងជំនួយការនាយសាល  សរុបចំនួន ៨០រូប។ **🌐** [Website](https://moh.gov.kh/kh/home) 📱 [Facebook](https://www.facebook.com/MinistryofHealthofCambodia?mibextid=ZbWKwL) 📱 [Telegram](https://t.me/MOHCambodia) 📱 [X (twitter)](https://x.com/MohCambodia) 📱 [Tiktok](https://www.tiktok.com/@mohcambodia) 📱 [YouTube](https://www.youtube.com/@MOHCambodia)