劳工部回应工厂不当言行事件 呼吁公众提供线索以便调查

អ្នកនាំពាក្យក្រសួងការងារ ស្នើឱ្យមហាជន បញ្ជាក់ពីប្រភពរោងចក្រ ដែលកំពុងមានការចាប់អារម្មណ៍ លើបណ្តាញសង្គម ក្រោយពីការប្រើប្រាស់ពាក្យមិនសមរម្យ ដើម្បីក្រសួងចុះពិនិត្យ ក្រសួងការងារ និងបណ្តុះបណ្តាលវិជ្ជាជីវៈ ស្នើសុំអ្នកប្រើប្រាស់បណ្តាញសង្គម ដែលផ្សព្វផ្សាយករណីការប្រើប្រាស់ពាក្យសម្តី និងអាកប្បកិរិយាមិនសមរម្យ នៅក្នុងរោងចក្រមួយកន្លែង បញ្ជាក់ថាតើករណីនេះកើតឡើងនៅរោងចក្រណា ដើម្បីមន្ត្រីជំនាញ ក្រសួងចុះពិនិត្យលើករណីនេះ? ជាមួយគ្នានេះ ក្រសួងសូមបញ្ជាក់ដល់ម្ចាស់សហគ្រាស ក្រុមហ៊ុន រោងចក្រ និយោជក និងបុគ្គលិកគ្រប់ជាន់ថ្នាក់ សូមប្រើប្រាស់អាកប្បកិរិយា និងភាសាឱ្យបានសមរម្យ និងស្នើសុំឱ្យបងប្អូនកម្មករនិយោជិតទាក់ទងមកលេខ ១២៨៦ ក្នុងករណីមានការប្រើប្រាស់ពាក្យសម្តី និងអាកប្បកិរិយាមិនសមរម្យ ឬលក្ខខណ្ឌការងារមិនល្អនៅកន្លែងការងាររបស់ខ្លួន៕