发展理事会完成内部人员普查 290名官员参与改革

ការធ្វើជំរឿនមន្រ្តីជាក់ស្ដែងនៅតាមរចនាសម្ព័ន្ធរបស់ក្រុមប្រឹក្សាអភិវឌ្ឍន៍កម្ពុជា ត្រូវបានបញ្ចប់ដោយជោគជ័យ ដោយមានថ្នាក់ដឹកនាំ និងមន្ត្រី ចូលរួមប្រមាណ ២៩០នាក់។ រាជធានីភ្នំពេញ៖ នាថ្ងៃសុក្រ ៥កើត ខែបឋមាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៩ ខែមិថុនា ឆ្នាំ២០២៦ ក្រុមប្រឹក្សាអភិវឌ្ឍន៍កម្ពុជា (ក.អ.ក.) បានបញ្ចប់ការធ្វើបច្ចុប្បន្នភាពរចនាសម្ព័ន្ធ និងជំរឿនមន្ត្រីជាក់ស្តែងនៅតាមរចនាសម្ព័ន្ធរបស់អង្គភាពចំណុះរបស់ខ្លួន រួចរាល់តាមការគ្រោងទុក។ កម្មវីធីនេះបានប្រព្រឹត្តទៅក្រោមអធិបតីភាពដ៏ខ្ពង់ខ្ពស់ របស់ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក.អ.ក. និង ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ។ ការធ្វើជំរឿននេះ ដំណើរការទៅរយៈពេលមួយថ្ងៃពេញ និងមានការចូលរួមពីសំណាក់ថ្នាក់ដឹកនាំ និងមន្រ្តីដែលត្រូវធ្វើជំរឿនសរុបចំនួនប្រមាណ ២៩០រូប។ យុទ្ធនាការធ្វើបច្ចុប្បន្នភាពរចនាសម្ព័ន្ធ និងជំរឿនមន្ត្រីជាក់ស្តែងនៅតាមរចនាសម្ព័ន្ធរបស់ក.អ.ក. ត្រូវបានរៀបចំឡើងដោយក្រោមកិច្ចសហការយ៉ាងជិតស្និទ្ធរវាង ក.អ.ក. និងគណៈកម្មការធ្វើបច្ចុប្បន្នភាពរចនាសម្ព័ន្ធ និងជំរឿនមន្ត្រីជាក់ស្តែងនៃក្រសួងមុខងារសាធារណៈ ដោយមានការចូលរួមជាមួយស្មារតីសហការ និងការទទួលខុសត្រូវខ្ពស់ពីសំណាក់ថ្នាក់ដឹកនាំ មន្ត្រីរាជការ និងមន្ត្រីជាប់កិច្ចសន្យាគ្រប់លំដាប់ថ្នាក់នៃក.អ.ក.។ សូមជម្រាបជូនផងដែរថា ការធ្វើជំរឿនមន្រ្តីជាក់ស្តែងនៅតាមរចនាសម្ព័ន្ធរបស់ក.អ.ក. ជាការចូលរួមចំណែកដ៏សកម្មរបស់ក.អ.ក. ស្របតាមការដាក់ចេញរបស់រាជរដ្ឋាភិបាលនីតិកាលទី៧ នៃរដ្ឋសភា ក្នុងគោលបំណងជំរុញបន្ថែមការអនុវត្តវិធានការគន្លឹះក្នុងការកែទម្រង់រដ្ឋបាលសាធារណៈឱ្យកាន់តែមានប្រសិទ្ធភាពខ្ពស់ និងទទួលបាននូវទិន្នន័យមន្រ្តីដែលមានភាពច្បាស់លាស់ ឯកភាព និងប្រើប្រាស់បានរួមគ្នា។ 🌐 Follow Us 🧭  [Website (CDC](https://cdc.gov.kh/))  | 🌐 [Facebook](https://www.facebook.com/cdc.gov.kh)| 🌐 [Telegram](https://t.me/cdc_cambodia)|🌐 [Linkedin](https://www.linkedin.com/company/council-for-the-development-of-cambodia/)|😃 [X ](https://twitter.com/cdc_cambodia)| 🌐[YouTube](http://www.youtube.com/@cdc.cambodia)