洪玛奈推行三大行政改革 重点提升教育与医疗服务效能

សម្ដេច ហ៊ុន ម៉ាណែត នាយករដ្ឋមន្ត្រីកម្ពុជា បានថ្លែងថា រាជរដ្ឋាភិបាលកំពុងអនុវត្តកំណែទម្រង់សំខាន់ៗ ៣ ដើម្បីកសាងរដ្ឋបាលសាធារណៈឱ្យកាន់តែមានសមត្ថភាព រឹងមាំ ឆ្លាតវៃ និងស្អាតស្អំ៖ ទី១. ពង្រឹងប្រព័ន្ធជ្រើសរើសមន្ត្រីរាជការតាមគុណាធិបតេយ្យ តម្លាភាព យុត្តិធម៌ បរិយាប័ន្ន និងប្រសិទ្ធភាព តាមរយៈការអនុវត្តនីតិវិធីប្រតិបត្តិស្តង់ដារ (SOP)។ ទី២. ពង្រឹងសមត្ថភាពមន្ត្រី និងស្ថាប័ន ដោយលើកកម្ពស់វិន័យ សីលធម៌ វិជ្ជាជីវៈ ប្រសិទ្ធភាព និងការសម្របសម្រួលរវាងក្រសួង ស្ថាប័ន តាមរយៈការត្រួតពិនិត្យមុខងារ និងការបង្កើតបណ្តាញអគ្គលេខាធិការ។ ទី៣. កែលម្អប្រព័ន្ធលើកទឹកចិត្តផ្អែកលើសមិទ្ធផល (KPIs) ដើម្បីជំរុញមន្ត្រីរាជការឱ្យបំពេញការងារបានលឿន មានប្រសិទ្ធភាព និងបង្កើនគុណភាពសេវាសាធារណៈ ជាពិសេសក្នុងវិស័យអប់រំ និងសុខាភិបាល។ [**Join AMS One-minute**](https://t.me/ams1minute)