澳大利亚国际学校与瑞士教育集团达成战略合作

ភាពជាដៃគូកម្រិតសកល! ឱកាសអប់រំលំដាប់ពិភពលោក! អនាគតគ្មានព្រំដែន! សាលាអន្តរជាតិអូស្ត្រាលី ភ្នំពេញ (Australian International School Phnom Penh - AISPP) មានមោទនភាពយ៉ាងក្រៃលែងក្នុងការប្រកាសអំពីការចុះហត្ថលេខាលើ អនុស្សរណៈនៃការយោគយល់គ្នា (MOU) ជាមួយ Swiss Education Group (SEG) ដែលជាជំហានដ៏សំខាន់ថ្មីមួយ ក្នុងការពង្រីកឱកាសអប់រំអន្តរជាតិ និងបើកទ្វារទៅកាន់ពិភពលោកកាន់តែទូលំទូលាយសម្រាប់សិស្សានុសិស្សកម្ពុជា។ ក្នុងនាមជាស្ថាប័នអប់រំឈានមុខមួយនៅលើពិភពលោក ដែលមានឯកទេសលើវិស័យបដិសណ្ឋារកិច្ច ធុរកិច្ច និងការគ្រប់គ្រង SEG នឹងនាំមកនូវទស្សនវិស័យអន្តរជាតិ បទពិសោធន៍ និងផ្លូវសិក្សាដ៏មានតម្លៃ ដែលអាចជំរុញ និងលើកទឹកចិត្តសិស្ស AISPP ឱ្យបន្តសម្រេចក្តីសុបិន និងគោលដៅរបស់ពួកគាត់ក្រោយបញ្ចប់ការសិក្សាកម្រិតមធ្យមសិក្សា (International Baccalaureate)។ តាមរយៈភាពជាដៃគូនេះ សិស្ស AISPP នឹងទទួលបានឱកាសកាន់តែទូលំទូលាយក្នុងការស្វែងយល់អំពីការអប់រំឧត្តមសិក្សាលំដាប់ពិភពលោក បរិយាកាសសិក្សាអន្តរជាតិ និងការជ្រើសរើសអាជីពនាពេលអនាគតក្នុងវិស័យបដិសណ្ឋារកិច្ច និងធុរកិច្ចនៅលើឆាកសកល។ កិច្ចសហប្រតិបត្តិការនេះបង្ហាញយ៉ាងច្បាស់ពីការប្តេជ្ញាចិត្តឥតឈប់ឈររបស់ AISPP ក្នុងការត្រៀមសិស្ស មិនត្រឹមតែឱ្យមានលក្ខណៈសម្បត្តិគ្រប់គ្រាន់សម្រាប់ការសិក្សានៅសាកលវិទ្យាល័យប៉ុណ្ណោះទេ ប៉ុន្តែថែមទាំងឱ្យពួកគាត់មានសមត្ថភាព ទំនុកចិត្ត និងការត្រៀមខ្លួនសម្រាប់អនាគត និងភាពរីកចម្រើននៃពិភពលោក ផងដែរ។ https://m.facebook.com/story.php?story_fbid=pfbid0UPjfFUwmQKa3u3wk5ToJXCAWTHnBmLxbMQ3tLiQD9mEqteiB6RTyZmL8usnrwzsfl&id=100076178303033