公务员部强化国家机构考勤系统 提升行政工作效率

ក្រសួងមុខងារសាធារណៈ បន្តជំរុញការពង្រឹងប្រព័ន្ធគ្រប់គ្រងវត្តមានមន្រ្តីរាជការស៊ីវិល នៅតាមបណ្តាក្រសួង-ស្ថាប័នថ្នាក់ជាតិ នារសៀលថ្ងៃទី២៤ ខែសីហា ឆ្នាំ២០២៦ ឯកឧត្តម សយ រាសី អគ្គាធិការនៃអគ្គាធិការដ្ឋានក្រសួងមុខងារសាធារណៈ បានអញ្ជើញជាអធិបតីដឹកនាំកិច្ចប្រជុំប្រចាំខែ ដើម្បីត្រួតពិនិត្យវឌ្ឍនភាពការងារគ្រប់គ្រងវត្តមាន និងស្ថានភាពមន្ត្រីរាជការស៊ីវិល រួមទាំងមន្ត្រីជាប់កិច្ចសន្យា។ កិច្ចប្រជុំដ៏មានសារៈសំខាន់នេះ មានការអញ្ជើញចូលរួមពីតំណាងនាយកដ្ឋានទទួលបន្ទុកធនធានមនុស្ស មកពី ៣០ ក្រសួង-ស្ថាប័នថ្នាក់ជាតិ ព្រមទាំងថ្នាក់ដឹកនាំ និងមន្ត្រីជំនាញពាក់ព័ន្ធជាច្រើនរូប នៅគណៈកម្មាធិការកែទម្រង់រដ្ឋបាលសាធារណៈ ។ គោលដៅចម្បងនៃកិច្ចជំនួបនេះ គឺដើម្បីតាមដានយ៉ាងយកចិត្តទុកដាក់លើការអនុវត្តប្រព័ន្ធគ្រប់គ្រងវត្តមានមន្រ្តី ឱ្យស្របតាមច្បាប់ និងលិខិតបទដ្ឋានគតិយុត្តជាធរមាន ព្រមទាំងវាយតម្លៃលើដំណើរការនៃការប្រមូលរបាយការណ៍ទិន្នន័យវត្តមាន ដែលស្ថាប័ននានាបានផ្ញើមកកាន់ក្រសួងមុខងារសាធារណៈ។ លើសពីនេះ អង្គប្រជុំបានផ្ដល់ឱកាសយ៉ាងទូលំទូលាយក្នុងការជជែកពិភាក្សា ចែករំលែកបទពិសោធល្អៗ និងប្រមូលធាតុចូលជាយុទ្ធសាស្ត្រ ដើម្បីកែលម្អយន្តការគ្រប់គ្រង និងស្វែងរកវិធីសាស្ត្រថ្មីៗប្រកបដោយប្រសិទ្ធភាព ក្នុងការលើកកម្ពស់វិន័យការងាររបស់មន្ត្រីរាជការគ្រប់លំដាប់ថ្នាក់។