41名柬埔寨学生获赴韩硕士奖学金 本月底启程深造

[រសៀលថ្ងៃពុធ ទី៥ ខែសីហា ឆ្នាំ២០២៦ នៅវិមានសាមគ្គីភាព នៃព្រឹទ្ធសភា ឯកឧត្តម ជា ធីរិទ្ធ នាយករងខុទ្ទកាល័យសម្តេចប្រធានព្រឹទ្ធសភា អ្នកនាំពាក្យព្រឹទ្ធសភា និងជាអនុប្រធានទី១ ក្រុមប្រឹក្សាភិបាល នៃសហព័ន្ធនិស្សិតកម្ពុជានៅបរទេស បានទទួលជួបសំណេះសំណាល និងផ្តល់អនុសាសន៍ដល់និស្សិតជ័យលាភីអាហារូបករណ៍ថ្នាក់បរិញ្ញាបត្រជាន់ខ្ពស់ទៅបន្តការសិក្សានៅសាធារណរដ្ឋកូរ៉េ ចំនួន ៤១រូប មុនចេញដំណើរទៅបន្តការសិក្សានៅចុងខែនេះ។](https://www.facebook.com/share/p/1BcAqvs2J9/) ក្នុងឱកាសនោះ ឯកឧត្តម បានលើកទឹកចិត្តឱ្យនិស្សិតទាំងអស់ខិតខំប្រឹងប្រែងសិក្សារៀនសូត្រ គោរពច្បាប់ និងវិន័យនៃប្រទេសម្ចាស់ផ្ទះ ថែរក្សាកិត្តិយសជាតិ និងពង្រឹងសាមគ្គីភាពក្នុងចំណោមនិស្សិតកម្ពុជា ព្រមទាំងខិតខំអភិវឌ្ឍសមត្ថភាព ដើម្បីក្លាយជាធនធានមនុស្សប្រកបដោយគុណភាពសម្រាប់ប្រទេសជាតិ។ សូមជូនពរប្អូនៗនិស្សិតទាំងអស់ទទួលបានជោគជ័យក្នុងការសិក្សា មានសុខភាពល្អ សុវត្ថិភាព និងនាំយកនូវចំណេះដឹង បទពិសោធន៍ និងជំនាញថ្មីៗ មកចូលរួមអភិវឌ្ឍប្រទេសកម្ពុជាឱ្យកាន់តែរីកចម្រើន។ Our social media channel: [Telegram](https://t.me/camstudentcambodia) | [Facebook](https://web.facebook.com/camstudentcambodia) | [TikTok](https://www.tiktok.com/@camstudent_info) | [LinkedIn](https://www.linkedin.com/company/camstudents)