柬埔寨湄公河海豚新增1只幼崽 总数达118只

កម្ពុជាអបអរសាទរកំណើតកូនផ្សោតទន្លេមេគង្គទី៦ នៅអន្លង់កាំពី បង្កើនចំនួនសរុបដល់១១៨ក្បាល ក្រចេះ៖ នៅរសៀលថ្ងៃទី២៧ ខែមេសា ឆ្នាំ២០២៦ កូនផ្សោតទន្លេមេគង្គទើបកើតថ្មីមួយក្បាលទៀត ត្រូវបានប្រទះឃើញនៅអន្លង់ផ្សោតកាំពី ភូមិកាំពី ឃុំសំបុក ស្រុកចិត្របុរី ខេត្តក្រចេះ។ បើតាមក្រសួងកសិកម្មបានឱ្យដឹងថា កូនផ្សោតនេះមានអាយុប្រមាណ៣ថ្ងៃ មានសុខភាពល្អ ហើយកំពុងហែលលេងជាមួយក្រុមផ្សោតពេញវ័យប្រមាណ៦ក្បាលទៀត។ កំណើតកូនផ្សោតទី៦នេះ គិតត្រឹមដើមឆ្នាំ២០២៦ បានធ្វើឱ្យចំនួនសរុបនៃសត្វផ្សោតទន្លេមេគង្គនៅកម្ពុជា កើនឡើងដល់ ១១៨ក្បាល។ នេះជាសញ្ញាដ៏ល្អមួយ បង្ហាញពីកិច្ចខិតខំប្រឹងប្រែងអភិរក្សប្រកបដោយប្រសិទ្ធភាពរបស់ក្រសួងកសិកម្ម រុក្ខាប្រមាញ់ និងនេសាទ សហគមន៍មូលដ្ឋាន និងអង្គការដៃគូនានា។