国防部向22国武官展示边境局势 驳斥泰方指控

កម្ពុជាធ្វើបទបង្ហាញពីសភាពការណ៍ព្រំដែនជូនអនុព័ន្ធយោធាបរទេស២២រូប ចំពេលការឆ្លងឆ្លើយសម្ដីរវាងអ្នកនាំពាក្យកម្ពុជា-ថៃកំពុងក្ដៅគគុក ក្រសួងការពារជាតិកម្ពុជា ធ្វើបទបង្ហាញស្ដីពីសភាពការណ៍តាមបណ្ដោយព្រំដែនកម្ពុជា-ថៃ ក្រោយពីមានបទឈប់បាញ់ ជូនបណ្ដាក្រុមអ្នកសង្កេតការណ៍អាស៊ាន (AOT) និងក្រុមអនុព័ន្ធយោធាបរទេសប្រចាំកម្ពុជា (MACPP) នៅទីស្ដីការក្រសួង នាព្រឹកថ្ងៃទី៣ ខែកញ្ញា។ ក្រុមអនុព័ន្ធយោធាចូលរួមគឺមកពីប្រទេសធំៗដូចជា សហរដ្ឋអាមេរិក រុស្ស៊ី ចិន ជប៉ុន បារាំង ឥណ្ឌា និងក្រុមអនុព័ន្ធយោធាមកពីបណ្ដាប្រទេសក្នុងតំបន់អាស៊ាន។ គួរកត់សម្គាល់ថា ការធ្វើបទបង្ហាញនេះ កើតឡើងចំពេល ការឆ្លើយឆ្លងសម្ដីនៅលើប្រព័ន្ធផ្សាយព័ត៌មានរវាងនាយកមជ្ឈមណ្ឌលព័ត៌មានរួមរបស់ថៃ Prapas Sonjaidee ជាមួយអ្នកនាំពាក្យក្រសួងការពារជាតិការពារជាតិកំពុងក្ដៅគគុក។ ក្នុងនោះភាគីថៃ បានចោទប្រកាន់ដោយគ្មានមូលដ្ឋាននៃការពិត ថា កម្ពុជាជាអ្នកបើកការបាញ់ប្រហារមុនក្នុងសង្គ្រាមកាលពីឆ្នាំ២០២៥។ ចំណែកអ្នកនាំពាក្យកម្ពុជា បានបដិសេធចំពោះការចោទប្រកាន់បែបនេះ និងឆ្លើយតបត្រឡប់ទៅវិញថា ថៃគឺជាអ្នកបើកការវាយប្រហារមុនមកលើកម្ពុជា ព្រោះថៃបានរៀបចំផែនការសង្គ្រាម «ចក្រពង្ស ភូវនាថ» យ៉ាងល្អិតល្អន់ មុនពេលបើកការវាយប្រហារ។