暹粒发生严重车祸致1死1伤 肇事者逃逸警方追捕中

សូមបងស្នងការខេត្តសៀមរាប ប្រើវិធានការជំនាញតាមស្រាវជ្រាវ ដើម្បីតាមចាប់ជនថោកទាបនេះ មកទទួលខុសត្រូវចំពោះមុខច្បាប់ឲ្យតឹងរឹងបំផុតចំពោះទង្វើបង្កសោកនាដកម្មទាំងកម្រោលមួយនេះ។ គ្រោះថ្នាក់ចរាចរណ៍ដ៏រន្ធត់នេះ បានកើតឡើងនៅវេលាម៉ោងជិត ៨យប់ថ្ងៃទី១៥ ខែកញ្ញា ឆ្នាំ២០២៦ ដែលបង្កដោយរថយន្តមួយគ្រឿង បានបើកបុកពេញទំហឹងលើក្មេងប្រុស២នាក់ កំពុងឌុបកង់គ្នាស្ថិតនៅតាមខ្នារ សង្កាត់ជ្រាវ ក្រុងសៀមរាប។ តាមសេចក្តីរាយការណ៍, គ្រោះថ្នាក់នេះបានបណ្តាលឲ្យក្មេងប្រុសអាយុ ១២ឆ្នាំ «ទ្រី ឧត្តមមុន្នី» បានស្លាប់យ៉ាងអាណោចអាធ័ម និងម្នាក់ទៀតរបួស។ ការបាត់បង់កូនប្រុសដែលកំពុងស្រឡាញ់ តើឪពុកម្តាយ មានការឈឺចាប់យ៉ាងណាទេ? ខ្ញុំជឿថា បុគ្គលថោកទាបរូបនេះ នឹងមិនអាចគេចផុតពីសំណាញ់ច្បាប់បានឡើយ សូមជឿជាក់លើសមត្ថកិ​ច្ច។