干拉省省长库宗仁开展警务讲座 强化执法纪律

លោកឧត្តមសេនីយ៍ត្រី ឡាក់ ម៉េងធី អមដំណើរអភិបាលខេត្តកណ្ដាល ចូលរួមធ្វើបាឋកថា និងចែករំលែកចំណេះដឹងដល់សិស្សនគរបាល.,. នៅព្រឹកថ្ងៃអង្គារ ១២កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៥ ខែសីហា ឆ្នាំ២០២៦ លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្ដាល បានចាត់លោកឧត្តមសេនីយ៍ត្រី ឡាក់ ម៉េងធី ស្នងការរង ជាតំណាងចូលរួមអមដំណើរ ឯកឧត្តម គួច ចំរើន អភិបាល នៃគណៈអភិបាលខេត្តកណ្ដាល។ ក្នុងឱកាសនោះ ឯកឧត្តម គួច ចំរើន បានអញ្ជើញជាវាគ្មិនកិត្តិយស ធ្វើបាឋកថា និងចែករំលែកចំណេះដឹង ព្រមទាំងបទពិសោធន៍ការងារដល់ថ្នាក់ដឹកនាំ គ្រូនគរបាលជាតិ មន្ត្រី និងសិស្សនគរបាល ដែលកំពុងសិក្សាវគ្គបណ្ដុះបណ្ដាលកម្រិតបឋមវិជ្ជាជីវៈនគរបាល ជំនាន់ទី២០ លើកទី២ នៅសាលានគរបាលជាតិភូមិភាគ៦ ខេត្តកំពង់ឆ្នាំង។ ការចែករំលែកចំណេះដឹង និងបទពិសោធន៍នេះ មានគោលបំណងជួយបង្កើនការយល់ដឹង ពង្រឹងសមត្ថភាពវិជ្ជាជីវៈ និងផ្ដល់ជាមូលដ្ឋានសំខាន់ៗដល់សិស្សនគរបាល ដើម្បីត្រៀមខ្លួនបំពេញភារកិច្ចបម្រើជាតិ និងប្រជាពលរដ្ឋប្រកបដោយវិជ្ជាជីវៈ ក្រមសីលធម៌ និងការទទួលខុសត្រូវ៕ (ពីខ្ញុំប៊ុនធឿនហៅខ្លាពីរ)