首批俄罗斯游客包机抵达暹粒 旅游部官员现场接机

ឯកឧត្តម នាង ម៉ៅ រដ្ឋលេខាធិការក្រសួងទេសចរណ៍ បានអញ្ជើញជាតំណាងដ៏ខ្ពង់ខ្ពស់ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ ដើម្បីទទួលស្វាគមន៍ភ្ញៀវទេសចរជនជាតិរុស្ស៊ីក្រុមដំបូង ចំនួន២០នាក់ ដែលបានធ្វើដំណើរមកកាន់ព្រះរាជាណាចក្រកម្ពុជា នៅអាកាសយានដ្ឋានអន្តរជាតិសៀមរាប-អង្គរ។ ភ្ញៀវទេសចរជនជាតិរុស្ស៊ីក្រុមដំបូងនេះត្រូវបានសម្របសម្រួលដោយ លោក Vladimir Palancica ប្រធានក្រុមហ៊ុន A.V.B Holiday Adventure និងជាប្រធាន BRICS House Cambodia ដោយសហការជាមួយ លោកស្រី ខែក ខេមរ៉ាត់ អគ្គនាយិកា ក្រុមហ៊ុន KJET Group ជាក្រុមហ៊ុនផ្តល់សេវាជួលយន្តហោះឯកជន (Private Jet Charter) ឈានមុខមួយនៅកម្ពុជា បន្ទាប់ពីជំនួបផ្លូវការរវាង លោក Vladimir Palancica និង លោកស្រី ខែក ខេមរ៉ាត់ ជាមួយ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ កាលពីដើមឆ្នាំ២០២៦ ដើម្បីពិភាក្សាអំពីទិសដៅ និងយុទ្ធសាស្ត្រក្នុងការទាក់ទាញទេសចរ និងអ្នកវិនិយោគជនជាតិរុស្ស៊ី មកកាន់ព្រះរាជាណាចក្រកម្ពុជា។ ដំណើរលើកដំបូងនេះ ត្រូវបានចាត់ទុកថាជាចំណុចចាប់ផ្តើមដ៏សំខាន់មួយ ក្នុងការពង្រឹងទំនាក់ទំនងរវាងព្រះរាជាណាចក្រកម្ពុជា និងសហព័ន្ធរុស្ស៊ី ជាពិសេស ក្នុងវិស័យទេសចរណ៍ វិនិយោគ និងការផ្លាស់ប្តូរវប្បធម៌។ នាថ្ងៃទី៤ ខែមិថុនា ឆ្នាំ២០២៦ #Cambodia #greenseasoncambodia #SolidaritySeason #ministryoftourismcambodia #huothak