身份识别总局辟谣 个人证件过期非行政审批障碍

**អគ្គនាយកដ្ឋានអត្តសញ្ញាណកម្ម បំភ្លឺការលើកឡើងថា ការបើកសិប្បកម្មផលិតសាប៊ូត្រូវឆ្លងកាត់ ៩ក្រសួង និង ១៤នាយកដ្ឋាន** ** ** **អគ្គនាយកដ្ឋានអត្តសញ្ញាណកម្ម សូមធ្វើការបំភ្លឺលើការលើកឡើងរបស់ម្ចាស់គណនីហ្វេសប៊ុកឈ្មោះ Hem Hema ដែលបានបង្ហោះសារមានខ្លឹមសារថា “ចង់បើកសិប្បកម្មផលិតសាប៊ូមួយ ត្រូវតែឆ្លងកាត់ ៩ក្រសួង និង ១៤នាយកដ្ឋាន” ដោយក្នុងនោះបានលើកឡើងអំពី នាយកដ្ឋានអត្តសញ្ញាណកម្ម ក្រសួងមហាផ្ទៃ ផងដែរ។** **ក្រោយបានឃើញសារនេះភ្លាម អគ្គនាយកដ្ឋានអត្តសញ្ញាណកម្ម បានចាត់មន្ត្រីជំនាញស្រាវជ្រាវ និងទាក់ទងទៅម្ចាស់គណនី ដើម្បីសួរនាំបញ្ជាក់អំពីបញ្ហាខាងលើ។ ម្ចាស់គណនីបានបញ្ជាក់ថា បញ្ហារបស់គាត់ពាក់ព័ន្ធនឹងការងារអត្តសញ្ញាណកម្ម គឺសាមីខ្លួនគាត់ត្រូវទៅបន្តសុពលភាពអត្តសញ្ញាណបណ្ណសញ្ជាតិខ្មែរដែលអស់សុពលភាព និងត្រូវប្តូរអាសយដ្ឋាននៅប៉ុស្តិ៍នគរបាលរដ្ឋបាល។ នោះដោយសារ អត្តសញ្ញាណបណ្ណសញ្ជាតិខ្មែររបស់គាត់អស់សុពលភាព មិនអាចប្រើប្រាស់ជាផ្លូវការបាន។** ** ** **អគ្គនាយកដ្ឋានអត្តសញ្ញាណកម្ម សូមបញ្ជាក់ជូនថា បញ្ហាប្រឈមដែលគាត់លើកឡើងខាងលើ គឺជាកាតព្វកិច្ចរបស់សាមីខ្លួន ដូចប្រជាពលរដ្ឋខ្មែរទូទៅដែរ។ អគ្គនាយកដ្ឋានអត្តសញ្ញាណកម្ម តែងតែប្រកាសអំពាវនាវឱ្យប្រជាពលរដ្ឋខ្មែរទូទៅ សូមទៅបន្តសុពលភាពអត្តសញ្ញាណបណ្ណសញ្ជាតិខ្មែរ សម្រាប់ករណីអស់សុពលភាព ឬសុពលភាពនៅតិចជាង ១៨០ថ្ងៃ ចៀសវាងពេលត្រូវការប្រើប្រាស់ទើបប្រញាប់ប្រញាល់រត់ទៅធ្វើ។** ** ** **ដូច្នេះ ការយឺតយ៉ាវរបស់សាមីខ្លួនក្នុងការស្នើសុំបន្តសុពលអត្តសញ្ញាណបណ្ណសញ្ជាតិខ្មែរ គឺជាការធ្វេសប្រហែសរបស់សាមីខ្លួន ដែលមិនពាក់ព័ន្ធដោយផ្ទាល់ទៅនឹងនីតិវិធីនៃការស្នើសុំបើកសិប្បកម្មផលិតសាប៊ូនោះទេ។ ការយកបញ្ហានេះ បូកបញ្ចូលក្នុងបញ្ជីខាងលើ គឺជាការប្រឹងពង្រីកបញ្ហាឱ្យឃើញកាន់តែធំ ដើម្បីទាក់ទាញការចាប់អារម្មណ៍ ដែលតាមពិតគឺជាការធ្វេសប្រហែស និងជាកំហុសរបស់សាមីខ្លួន។** ** ** **ការបង្ហោះសារក្នុងបណ្តាញសង្គមរបស់គណនីឈ្មោះ Hem Hema ស្មើនឹងការបំភ្លៃព័ត៌មាន និងបំប៉ោងបញ្ហាដោយគ្មានមូលដ្ឋានជាក់លាក់ ដោយចោទប្រកាន់មកលើស្ថាប័នសាធារណៈរបស់រដ្ឋ ដើម្បីទទួលបាននូវការចាប់អារម្មណ៍ក្នុងបណ្តាញសង្គម។** **អគ្គនាយកដ្ឋានអត្តសញ្ញាណកម្ម សូមស្នើសាមីខ្លួនពិនិត្យ និងកែសម្រួលខ្លឹមសារដែលខ្លួនបានបង្ហោះឱ្យបានត្រឹមត្រូវ ចៀសវាងការចាត់វិធានការផ្លូវច្បាប់ណាមួយដែលខ្លួនបានលើកឡើងដោយពុំមានមូលដ្ឋានច្បាស់លាស់។** ** **📘[អានអត្ថបទពេញ](https://www.facebook.com/share/18u3vFJHJC/?mibextid=wwXIfr) 👉[JOIN US](http://t.me/troryorngmedia) —— Page [Troryorng News](https://www.facebook.com/TroryorngOfficial) Page [Troryorng TV](https://www.facebook.com/Yuvavey) Page [Troryorng សង្គម](https://www.facebook.com/troryorng.entertainment) Page [Troryorng Spots](https://www.facebook.com/troryorngsports) [www.troryorng.com](https://troryorng.com/)