柬埔寨卫生部要求提升医疗培训质量 确保患者安全

រដ្ឋមន្រ្តីសុខាភិបាល៖ «ជំរុញការបណ្តុះបណ្តាលវិជ្ជាជីវៈសុខាភិបាល ឱ្យកាន់តែមានប្រសិទ្ធភាព និងផ្តោតសំខាន់លើសុវត្ថិភាពអ្នកជំងឺជាចម្បង» នាព្រឹកថ្ងៃអង្គារ ទី២៥ ខែសីហា ឆ្នាំ២០២៦ នៅទីស្តីការក្រសួងសុខាភិបាល ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល បានដឹកនាំកិច្ចប្រជុំជាមួយថ្នាក់ដឹកនាំទទួលបន្ទុកបណ្តុះបណ្តាល នាយកដ្ឋានជំនាញ ដើម្បីជំរុញការងារផ្នែកបណ្តុះបណ្តាលវិជ្ជាជីវៈសុខាភិបាល ទាំងការបណ្តុះបណ្តាលមូលដ្ឋានតាមគ្រឹះស្ថានបណ្តុះបណ្តាល និងការបណ្តុះបណ្តាលបន្ត ឱ្យកាន់តែមានគុណភាព ប្រសិទ្ធភាព ជាពិសេសផ្តោតសំខាន់លើសុវត្ថិភាពអ្នកជំងឺជាចម្បង។ បន្ថែមពីនេះ ការបណ្តុះបណ្តាលត្រូវធ្វើឡើងឱ្យគ្រប់តាមលក្ខខណ្ឌតម្រូវនៃកម្មវិធីសិក្សា ម៉ោងសិក្សា ការអនុវត្តជំនាញនៅបន្ទប់បង្ហាញត្រាប់​ និងការចុះកម្មសិក្សាអនុវត្តតាមមូលដ្ឋានសុខាភិបាល ឱ្យបានពេញលេញ និងធានាបានប្រសិទ្ធភាព។ **🌐**[Website](https://moh.gov.kh/kh/home) 📱[Facebook](https://www.facebook.com/MinistryofHealthofCambodia?mibextid=ZbWKwL) 📱[Telegram](https://t.me/MOHCambodia) 📱[X (twitter](https://x.com/MohCambodia)) 📱[Tiktok](https://www.tiktok.com/@mohcambodia) 📱[YouTube](https://www.youtube.com/@MOHCambodia)