柬埔寨司法部拟建前公务员违纪数据库

ឯកឧត្តមបណ្ឌិត គឹម សន្តិភាព អញ្ជើញចូលរួមកិច្ចប្រជុំជំនាញបច្ចេកទេស ដើម្បីពិនិត្យ និងពិភាក្សាលើសេចក្តីព្រាងអនុក្រឹត្យស្តីពីការគ្រប់គ្រងប្រព័ន្ធទិន្នន័យអតីតមន្ត្រីរាជការដែលត្រូវបានបណ្តេញចេញពីក្របខ័ណ្ឌ =================== រាជធានីភ្នំពេញ៖ នៅព្រឹកថ្ងៃចន្ទ ទី១៤ ខែកញ្ញា ឆ្នាំ២០២៦ នាទីស្តីការគណៈរដ្ឋមន្ត្រី, ឯកឧត្តមបណ្ឌិត គឹម សន្តិភាព រដ្ឋលេខាធិការក្រសួងយុត្តិធម៌ បានអញ្ជើញចូលរួមកិច្ចប្រជុំជំនាញបច្ចេកទេស ជាមួយក្រុមប្រឹក្សាអ្នកច្បាប់ និង ក្រុមប្រឹក្សាសេដ្ឋកិច្ច សង្គមកិច្ច និងវប្បធម៌ ដើម្បីពិនិត្យ និងពិភាក្សាលើ «សេចក្តីព្រាងអនុក្រឹត្យស្តីពីការគ្រប់គ្រងប្រព័ន្ធទិន្នន័យអតីតមន្ត្រីរាជការដែលត្រូវបានបណ្តេញចេញពីក្របខ័ណ្ឌ»។ ការរៀបចំសេចក្តីព្រាងអនុក្រឹត្យនេះឡើង គឺមានគោលបំណងបង្កើតឱ្យមាន «ថ្នាលទិន្នន័យរបស់អតីតមន្ត្រីរាជការដែលត្រូវបានបណ្តេញចេញពីក្របខ័ណ្ឌ» (ថ.ទ.អ.ម.ប.) ដើម្បីគ្រប់គ្រង ផ្លាស់ប្តូរ រក្សាទុក និងផ្ទៀងផ្ទាត់ទិន្នន័យអតីតមន្ត្រីដែលត្រូវបានបណ្តេញចេញពីក្របខ័ណ្ឌដោយសារទណ្ឌកម្ម។