国土规划部推行投资项目一站式审批系统

ក្រសួងរៀបចំដែនដី នគរូបនីយកម្ម និងសំណង់ បានផ្តើមនូវរបបការងាររួមមួយលើការអនុម័តគម្រោងវិនិយោគដែលផ្តល់ភាពងាយស្រួលនិងច្បាស់លាស់ ជាការផ្តល់នូវសេវាឱ្យបានគាប់ចិត្តដល់អតិថិជន ដែលមកទទួលសេវានៅច្រកចេញចូលតែមួយដោយមិនតម្រូវឱ្យអតិថិជនទៅស្ថាប័នជំនាញច្រើនកន្លែង ខាតពេលវេលា និងបង្កភាពស្មុគស្មាញ កាត់បន្ថយហានិភ័យដូចទៅនឹងគម្រោងមួយចំនួនដែលក្រសួងបាននិងកំពុងដោះស្រាយនាពេលបច្ចុប្បន្ននេះ។ ឆ្លើយតបទៅនឹងការងារនេះ ក្រសួងដ.ន.ស បានធ្វើការដឹកនាំសម្របសម្រួលភាគីក្រសួងជំនាញពាក់ព័ន្ធដើម្បីរៀបចំក្របខណ្ឌការងារដឹកនាំរួមក្នុងការអនុម័តគម្រោងវិនិយោគ ដូចជាបុរី ខុនដូជាដើម នៅក្នុងប្រព័ន្ធផ្លាស់ប្តូរទិន្នន័យកម្ពុជា (Cambodia Data Exchange) ហៅកាត់ថា CamDX ដែលក្រសួងជំនាញនីមួយៗត្រូវទទួលខុសត្រូវទៅតាមជំនាញរៀងៗខ្លួន ដូចជា៖ ១.ក្រសួងរៀបចំដែនដី នគរូបនីយកម្ម និងសំណង់ៈ ពិនិត្យមើលផ្នែកសុរិយោដី រៀបចំដែនដី នគរូបនីយកម្ម ផ្នែកសំណង់ និងលំនៅដ្ឋានជាដើម។ ​ - សុរិយោដី៖ ទីតាំងអភិវឌ្ឍមានឯកសារកាន់កាប់ដីស្របច្បាប់ឬនៅ - រៀបចំដែនដី៖ ទីតាំងនោះគួរជាទីតាំងពាណិជ្ជកម្ម សេដ្ឋកិច្ចពិសេស ប្រជុំជន កសិកម្ម ឫលំនៅឋាន - នគរូបនីយកម្ម៖ កម្ពស់អតិបរមានៃសំណង់ គម្លាតសមស្រប លំហសាធារណៈសម្រាប់ប្រើប្រាស់ កន្លែងទុកដាក់សំណល់រឹង-រាវ ចំណតជាដើម - សំណង់៖ ផ្តោតលើគុណភាព សុវត្ថិភាព សោភណភាព - លំនៅឋាន៖ ទីតាំងអាចគួរជាបុរីដែលមានលំនៅឋានប្រណិតលំដាប់ខ្ពស់ លំដាប់មធ្យម ជាលំនៅឋានតម្លៃសមរម្យ ឬជាខុនដូ ២. ក្រសួងមហាផ្ទៃ៖ ការរៀបចំឋានានុក្រមរដ្ឋបាល ភូមិ ឃុំ ឱ្យសមស្របទៅតាមមូលដ្ឋានរបស់ខ្លួន ៣. ក្រសួងសាធារណការនិងដឹកជញ្ជូន៖ ពិនិត្យលើហេដ្ឋារចនាសម្ព៏ន្អផ្លូវ និងលូ ៤.ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍៖ ការផ្គត់ផ្គង់ទឹកត្រូវធ្វើឡើងដោយមានផែនការជាក់លាក់ ៥.ក្រសួងរ៉ែ និងថាមពល៖ ការផ្គត់ផ្គង់អគ្គិសនីត្រូវអនុវត្ថទៅតាមគម្រោងច្បាស់លាស់ ៦.ក្រសួងប្រៃសណីយ៍ និងទូរគមនាគមន៍៖ ការតភ្ជាប់បណ្តាញទូរសព្ទ និងអ៊ីនធឺណែត សម្រាប់អ្នកប្រើប្រាស់ឱ្យបានគ្រប់គ្រាន់ ៧. ក្រសួងសេដ្ឋកិច្ច និងហិរញ្ញវត្ថុ៖ ការផ្តល់អជ្ញាបណ្ណជូនអ្នកស្នើសុំដោយពិនិត្យមើលការបំពេញលក្ខខណ្ឌគ្រប់គ្រាន់ និងទទូលបានការអនុញ្ញាតដោយក្រសួងជំនាញ សូមគូសបញ្ជាក់ថា តាមរយៈការគិតគូរនេះ ក្រសួងរៀបចំដែនដី នគរូបនីយកម្ម និងសំណង់ សង្ឃឹមថាវានឹងក្លាយទៅជាមជ្ឍមណ្ឌលប្រជាជនដែលផ្តល់ភាពងាយស្រួលសម្រាប់អ្នកពាក់ព័ន្ធទាំងអស់។ កិច្ចប្រជុំអន្ដរក្រសួងពិភាក្សាលើការរៀបចំក្របខណ្ឌការងាររួមក្នុងការអនុម័តគម្រោងវិនិយោគបុរី ខុនដូ ឆ្លើយតបទៅនឹងតម្រូវការលើការអភិវឌ្ឍន៍លំនៅឋាននៅកម្ពុជា ។ ២៦ សីហា ២០២៦ #ការបង្កើតនូវបរិយាកាសគ្មានវិវាទ #ចុះបញ្ជីដីបង្ហើយ #បញ្ចប់វិវាទដីធ្លី #សេវាគាប់ចិត្ត #រមណីយដ្ឋានបេតិកភណ្ឌពិភពលោកអង្គរ #បឹងទន្លេសាប #ដោះស្រាយវិវាទបុរី #ក្រសួងរៀបចំដែនដីនគរូបនីយកម្មនិងសំណង់ #MLMUPC [**Join MLMUPC News**](https://t.me/MLMUPCofCambodia) 🌐 [**Website**](https://mlmupc.gov.kh/)[ ](https://mlmupc.gov.kh/) 🌐 [**Facebook**](https://www.facebook.com/mlmupc.pressteam) 🌐 [**Youtube**](https://www.youtube.com/@MLMUPC_KH) 🌐 [**Tiktok**](https://www.tiktok.com/@mlmupc_kh)