洪玛奈总理指示湄公河沿岸7省市做好防洪救灾准备，要求武装力量

សម្តេច​ហ៊ុន ម៉ាណែត បានណែនាំឱ្យរាជធានី ខេត្តទាំង៧ ដែលស្ថិតតាមដងទន្លេមេគង្គ រួមមាន ស្ទឹងត្រែង ក្រចេះ កំពង់ចាម ត្បូងឃ្មុំ កណ្តាល ព្រៃវែង និងរាជធានីភ្នំពេញ ពិសេសតំបន់ដែលកំពុងរងផលប៉ះពាល់ពីទឹកជំនន់ ត្រៀមអន្តរាគមន៍ និងសង្គ្រោះប្រជាពលរដ្ឋឱ្យបានទាន់ពេលវេលា ដោយដាក់អាទិភាពលើជីវិត និងសុវត្ថិភាពប្រជាជន។ លោកបានណែនាំឱ្យកងកម្លាំងប្រដាប់អាវុធគ្រប់ប្រភេទ ត្រៀមកម្លាំង និងសម្ភារៈសង្គ្រោះឱ្យរួចជាស្រេច ដើម្បីជួយប្រជាពលរដ្ឋនៅគ្រប់ទីកន្លែងដែលរងគ្រោះ។ សម្តេចធិបតីបានបញ្ជាក់ថា រឿងគ្រោះធម្មជាតិ យើងមិនអាចទប់ស្កាត់បាន១០០%ទេ ប៉ុន្តែអាចកាត់បន្ថយផលប៉ះពាល់តាមរយៈការកសាងភាពធន់ និងប្រព័ន្ធអន្តរាគមន៍ដែលមានប្រសិទ្ធភាព រួមទាំងការត្រៀមសម្ភារៈសង្គ្រោះ និងថ្នាំពេទ្យឱ្យបានគ្រប់គ្រាន់។ យោងតាមក្រសួងធនធានទឹក និងឧតុនិយម គិតត្រឹមថ្ងៃទី២៤ ​សីហា ស្ថានភាពភ្លៀងធ្លាក់ច្រើននៅតំបន់អាងទន្លេមេគង្គ ទឹកទន្លេមេគង្គបានឡើងដល់កម្ពស់ ២១,៧​ម៉ែត្រ ដោយសារឥទ្ធិពលប្រព័ន្ធសម្ពាធទាប និងបាតុភូតអាកាសធាតុផ្សេងៗ បានធ្វើឱ្យកម្ពស់ទឹកទន្លេមេគង្គកំពុងហក់ឡើង ជាពិសេសនៅខេត្តស្ទឹងត្រែង ក្រចេះ និងកំពង់ចាម។ [**Join AMS One-minute**](https://t.me/ams1minute)