柬埔寨骑行者蒂夫·达拉里特完成跨洲公益骑行

លោក ទីវ តារារិទ្ធិ ស្នើយុវជនប្រើចំណេះ ជំនាញដែលខ្លួនមានជួយសង្គមជាតិជាជាងធ្វើរឿងឥតប្រយោជន៍ ============= លោក ទីវ តារារិទ្ធិ អ្នកជិះកង់ដើម្បីកុមារកម្ពុជា បានអំពាវ​នាវដល់យុវជនកម្ពុជាទាំងអស់ សូមយកភាពវៃឆ្លាត សមត្ថភាព ទេពកោសល្យ និងចំណេះដឹងដែល​ខ្លួនមានធ្វើអ្វីដែលមានប្រយោជន៍ជួយដល់សង្គមជាតិរបស់យើង ជាជាងយកចំណុចទាំងនេះ​ទៅធ្វើអ្វីដែល​លេងសើចជ្រុលហួសហេតុពេក ឬធ្វើអ្វីដែលមិន​មានប្រយោជន៍។ លោកបន្ថែមថា កិច្ចការដែល​អាចជួយសង្គមបានអាចមានដូចជា ការជួយសម្អាត​បរិស្ថាន ចូលរួមកាត់បន្ថយគ្រោះថ្នាក់ចរាចរណ៍ ឬរកថវិកាជួយគ្រួសារ សាលារៀន ឬជួយកុមារ​កម្ពុជាដូចរូបលោកជាដើម។ នេះជាអ្វីដែលលោកបានលើកឡើងនៅចំពោះមុខអ្នកសារព័ត៌មាន នារសៀលថ្ងៃទី ២៤ ខែមិថុនា ឆ្នាំ២០២៦ បន្ទាប់ពីបញ្ចប់បេសកកម្មជិះកង់ឆ្លងទ្វីប ដើម្បីកុមារកម្ពុជា។ សូមជម្រាបថា លោក ទីវ តារារិទ្ធិ អ្នកជិះកង់ដើម្បី​កុមារកម្ពុជា បានធ្វើមាតុភូមិនិវត្តន៍ត្រឡប់មកកម្ពុជាវិញ នាថ្ងៃទី២២ មិថុនា បន្ទាប់ពីជិះកង់អស់ជិត ៦ម៉ឺនគីឡូ​ម៉ែត្រ ឆ្លងកាត់ ៤០ប្រទេស និងប្រើរយៈពេលអស់ ៧៣០ថ្ងៃ។ ============= [🌐អានព័ត៌មាន ](https://vayofm.com/news/detail/144359-549.html) [**👉Facebook **](https://www.facebook.com/vayofm)[**👉Telegram**](https://t.me/vayofm)[** 👉TikTok **](https://www.tiktok.com/@vayofmradio?_t=8qP0w6MsZfe&_r=1)**👉**[**YouTube **](https://www.youtube.com/@vayofm105)**👉**[**IOS **](https://apps.apple.com/us/app/vayo-fm-radio/id993070474)**👉**[**Android**](https://play.google.com/store/apps/details?id=com.vayofm.bunsorng.vayoapp)