蒙多基里省举办出口合规与原产地证书研讨会

[来源: 柬埔寨国家电视台] [分类提示: NEWS] 标题: អភិបាលខេត្តមណ្ឌលគិរី អញ្ជើញបើកសិក្ខាសាលាស្តីពី «អនុលោមភាពភូតគាមអនាម័យ និងវិញ្ញាបនបត្រ ដើម្បីជួយជំរុញការនាំចេញផលិតផលខ្មែរទៅកាន់ទីផ្សារអន្តរជាតិ ខេត្តមណ្ឌលគិរី៖ នាព្រឹកថ្ងៃទី១៧ ខែកញ្ញា ឆ្នាំ២០២៦ ឯកឧត្តម គង់ គឹមនី អភិបាលនៃគណៈអភិបាលខេត្តមណ្ឌលគិរី បានអញ្ជើញជាអធិបតីភាពក្នុងពិធីបើក «សិក្ខាសាលាស្តីពី អនុលោមភាពភូតគាមអនាម័យ និងវិញ្ញាបនបត្របញ្ជាក់ប្រភពដើមទំនិញសម្រាប់ការនាំចេញ» ដែលបានប្រព្រឹត្តទៅនៅសាលប្រជុំសណ្ឋាគារ ពេជ្រដា ខេត្តមណ្ឌលគិរី។ ពិធីនេះ មានការអញ្ជើញចូលរួមពីសំណាក់ លោក សេង សុម៉ុន អគ្គនាយករងសភាពាណិជ្ជកម្មកម្ពុជា, លោកស្រី បណ្ឌិត អុង សុជាតិ អនុប្រធាននាយកដ្ឋានការពារដំណាំ អនាម័យ និងភូតគាមអនាម័យ នៃក្រសួងកសិកម្ម រុក្ខាប្រមាញ់ និងនេសាទ, លោក វឿង ប្រយុទ្ធ ប្រធានសភាពាណិជ្ជកម្មខេត្ត មន្ត្រីរាជការជុំវិញខេត្ត អាជ្ញាធរក្រុង-ស្រុក ព្រមទាំងតំណាងសហគ្រាស និងអាជីវករជាច្រើនរូប។ មានប្រសាសន៍នាឱកាសនោះ ឯកឧត្តម គង់ គឹមនី បានគូសបញ្ជាក់ថា សិក្ខាសាលានេះរៀបចំឡើងក្នុងគោលបំណងលើកកម្ពស់ការយល់ដឹង និងពង្រឹងសមត្ថភាពដល់ម្ចាស់អាជីវកម្ម និងសហគ្រិនកម្ពុជា អំពីស្តង់ដារភូតគាមអនាម័យ សុវត្ថិភាព និងគុណភាពផលិតផលស្របតាមបទដ្ឋានអន្តរជាតិ។ ឯកឧត្តម បានណែនាំអំពីនីតិវិធីនៃការស្នើសុំវិញ្ញាបនបត្របញ្ជាក់ប្រភពដើមទំនិញ (C/O) ដើម្បីឱ្យសហគ្រិនអាចទាញយកអត្ថប្រយោជន៍ជាអតិបរមាពីការអនុគ្រោះពន្ធក្រោម កិច្ចព្រមព្រៀងពាណិជ្ជកម្មសេរីធំៗ ដូចជា RCEP, CCFTA និង CKFTA ជាដើម។ ឯកឧត្តម អភិបាលខេត្ត បានបន្ថែមថា ការយល់ដឹងច្បាស់ពីលក្ខខណ្ឌបច្ចេកទេស និងបទដ្ឋានគតិយុត្ត នឹងជួយឱ្យសហគ្រិនរៀបចំខ្សែច្រវាក់ផលិតកម្មបានត្រឹមត្រូវ ជៀសវាងការបដិសេធ ឬបំផ្លាញទំនិញចោលនៅច្រកព្រំដែន ដែលនាំឱ្យខាតបង់ថវិកា និងប៉ះពាល់ដល់កិត្តិយសផលិតផលជាតិ។ លោក វឿង ប្រយុទ្ធ ប្រធានសភាពាណិជ្ជកម្ម