湄公河水位持续上涨 官金视察灾区安置民众

ស្ថានភាពទឹកទន្លេមេគង្គបន្តហក់ឡើងខ្លាំង! ឯកឧត្តម គន់ គីម ចុះពិនិត្យស្ថានភាពទឹកជំនន់ និងប្រជាពលរដ្ឋដែលត្រូវបានជម្លៀសទៅទីទួលសុវត្ថិភាព... ស្ថានភាពទឹកទន្លេមេគង្គកំពុងតែបន្តហក់ឡើងខ្លាំងគួរឱ្យកត់សម្គាល់ នៅក្នុងសប្តាហ៍នេះ ខណៈអាជ្ញាធរពាក់ព័ន្ធកំពុងបន្តតាមដាន និងយកចិត្តទុកដាក់ចំពោះស្ថានភាពទឹកជំនន់ និងផលប៉ះពាល់ដែលអាចកើតមានចំពោះប្រជាពលរដ្ឋ។ ជាក់ស្តែង ឯកឧត្តម គន់ គីម បានចុះពិនិត្យស្ថានភាពទឹកជំនន់ និងផលប៉ះពាល់ដល់ប្រជាពលរដ្ឋ ដែលត្រូវបានជម្លៀសទៅកាន់ទីទួលសុវត្ថិភាព ដើម្បីធានាសុវត្ថិភាព និងសុខុមាលភាពរបស់ពួកគាត់។ ការចុះពិនិត្យនេះបានធ្វើឡើងនៅទីតាំងសុវត្ថិភាព ស្ថិតក្នុងឃុំទន្លេបិទ និងឃុំជីរោទ៍១ ស្រុកត្បូងឃ្មុំ ខេត្តត្បូងឃ្មុំ ដោយផ្តោតលើការវាយតម្លៃស្ថានភាពទឹក កម្រិតផលប៉ះពាល់ និងតម្រូវការចាំបាច់របស់ប្រជាពលរដ្ឋដែលកំពុងស្នាក់នៅទីទួលសុវត្ថិភាព។ អាជ្ញាធរបាននិងកំពុងបន្តតាមដានស្ថានភាពទឹកយ៉ាងជិតស្និទ្ធ ព្រមទាំងត្រៀមលក្ខណៈសម្បត្តិ និងវិធានការចាំបាច់ ដើម្បីឆ្លើយតបចំពោះស្ថានភាពទឹកជំនន់ និងជួយសម្រួលដល់ប្រជាពលរដ្ឋដែលរងផលប៉ះពាល់៕ (ពីខ្ញុំប៊ុនធឿនហៅខ្លាពីរ)