公务部加速公共行政改革 提升政府办事效率与透明度

[ពង្រឹងយន្តការ ការងារជាប្រចាំដើម្បីបង្កើនល្បឿនកែទម្រង់រដ្ឋបាលសាធារណៈដើម្បីបម្រើប្រជាពលរដ្ឋឱ្យកាន់តែប្រសើរ](https://m.facebook.com/story.php?story_fbid=pfbid026vPWjJczbZVWCvpSJVufpEtrPEqG2ZeeXKfFPVzCSAgJ7tHXSZ81jA9bWGYVUPfQl&id=61552764801080) ក្នុងគោលដៅកសាងរដ្ឋបាលសាធារណៈឱ្យកាន់តែទំនើប តម្លាភាព និងមានប្រសិទ្ធភាពខ្ពស់ ក្រសួងមុខងារសាធារណៈកំពុងបន្តពង្រឹងយន្តការការងាររបស់ខ្លួនយ៉ាងសកម្ម ដើម្បីបម្រើសេវាសាធារណៈជូនប្រជាពលរដ្ឋឱ្យបានកាន់តែល្អប្រសើរ និងឆ្លើយតបទៅនឹងអាទិភាពរបស់រាជរដ្ឋាភិបាល។ ឆ្ពោះទៅការសម្រេចបានបេសកកម្មនេះ ឯកឧត្តម យក់ ប៊ុនណា រដ្ឋលេខាធិការប្រចាំការនៃក្រសួងមុខងារសាធារណៈ បានដឹកនាំកិច្ចប្រជុំដើម្បីតាមដាន និងជំរុញល្បឿននៃការងារកែទម្រង់ នារសៀលថ្ងៃទី៧ ខែកក្កដា ឆ្នាំ២០២៦ ដោយផ្តោតលើរបៀបវារៈអាទិភាពសំខាន់ៗជាច្រើន។ នៅក្នុងកិច្ចប្រជុំនោះ អង្គប្រជុំបានធ្វើការវាយតម្លៃ និងជំរុញផែនការសកម្មភាព ដោយពិនិត្យឡើងវិញនូវវឌ្ឍនភាពការងារពាក់កណ្តាលអាណត្តិ (នីតិកាលទី៧) និងរៀបចំផែនការសកម្មភាពឆ្នាំ២០២៦ របស់បណ្តាញអគ្គលេខាធិការក្រសួង-ស្ថាប័ន ដើម្បីធានាថាការអនុវត្តការងារពិតជាដើរចំទិសដៅ និងមានភាពស៊ីសង្វាក់គ្នា។