司法部推行2027年公共行政绩效激励系统

ឯកឧត្តមបណ្ឌិត ជិន ម៉ាលីន រដ្ឋលេខាធិការប្រចាំការក្រសួងយុត្តិធម៌ បានអញ្ជើញដឹកនាំកិច្ចប្រជុំផ្សព្វផ្សាយអំពីការអនុវត្តប្រព័ន្ធលើកទឹកចិត្តគាំទ្រសមិទ្ធកម្មក្នុងរដ្ឋបាលសាធារណៈសម្រាប់ឆ្នាំ២០២៧ និងការកំណត់និងពិពណ៌នាមុខតំណែងក្នុងរចនាសម្ព័ន្ធរបស់ក្រសួងយុត្តិធម៌ ==================== នៅរសៀលថ្ងៃសុក្រ ១៤កើត ខែភទ្របទ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី២៥ ខែកញ្ញា ឆ្នាំ២០២៦ ឯកឧត្តមបណ្ឌិត ជិន ម៉ាលីន រដ្ឋលេខាធិការប្រចាំការក្រសួងយុត្តិធម៌ បានអញ្ជើញដឹកនាំកិច្ចប្រជុំផ្សព្វផ្សាយអំពីការអនុវត្តប្រព័ន្ធលើកទឹកចិត្តគាំទ្រសមិទ្ធកម្មក្នុងរដ្ឋបាលសាធារណៈសម្រាប់ឆ្នាំ២០២៧ និងការកំណត់និងពិពណ៌នាមុខតំណែងក្នុងរចនាសម្ព័ន្ធរបស់ក្រសួងយុត្តិធម៌។ អង្គប្រជុំបានផ្តោតលើរបៀបវារៈសំខាន់ៗចំនួនពីរ៖ ១. ការអនុវត្តប្រព័ន្ធលើកទឹកចិត្តគាំទ្រសមិទ្ធកម្មឆ្នាំ២០២៧៖ របាយការណ៍រួម និងបទបង្ហាញគម្រោងស្នើសុំសំខាន់ៗចំនួន ៣ រួមមាន គម្រោងបណ្ណាល័យច្បាប់ឌីជីថល, ការចុះដោះស្រាយវិវាទជូនប្រជាពលរដ្ឋនៅតំបន់ជនជាតិដើមភាគតិច និងតំបន់ដាច់ស្រយាល, និងគោលការណ៍ណែនាំស្តីពីការជួយគ្នាទៅវិញទៅមកផ្នែកច្បាប់។ ២. ការកំណត់ និងពិពណ៌នាមុខតំណែង៖ ពិនិត្យវឌ្ឍនភាព និងពិភាក្សាលើការរៀបចំមុខតំណែងក្នុងរចនាសម្ព័ន្ធរបស់ក្រសួង។ កិច្ចប្រជុំនេះសមាសភាពអញ្ជើញចូលរួមពីថ្នាក់ដឹកនាំក្រសួងយុត្តិធម៌រួមមាន រដ្ឋលេខាធិការ អនុរដ្ឋលេខាធិការ អគ្គលេខាធិការ អគ្គនាយក អគ្គាធិការ ប្រធាននាយកដ្ឋាន ឯកឧត្តម លោកជំទាវ អគ្គលេខាធិការ ឬតំណាង នៃអគ្គលេខាធិការដ្ឋានរដ្ឋបាលតុលាការកំពូល សាលាឧទ្ធរណ៍ភ្នំពេញនិងតំបន់ លោក លោកស្រីប្រធានលេខាធិការដ្ឋានរដ្ឋបាលតុលាការនៃសាលាដំបូងរាជធានី-ខេត្ត អង្គភាពពាក់ព័ន្ធ និងមន្ត្រីក្រោមឱវាទក្រសួងយុត្តិធម៌ សរុបប្រមាណ ១០០រូប។