贡布省东通县基建升级 政府工作组视察学校与水利项目

**ក្រុមការងាររាជរដ្ឋាភិបាលចុះមូលដ្ឋានស្រុកដងទង់ ចុះពិនិត្យវឌ្ឍនភាពការងារអភិវឌ្ឍន៍ និងរៀបចំវេទិកាសាធារណៈជូនប្រជាពលរដ្ឋ** ឯកឧត្តម រ័ត្ន វិរៈ រដ្ឋលេខាធិការ និងជាអនុប្រធានទី១ ក្រុមការងាររាជរដ្ឋាភិបាលចុះមូលដ្ឋានស្រុកដងទង់ រួមជាមួយលោកជំទាវអនុរដ្ឋលេខាធិការ ផល្លី ភិមាន និងក្រុមការងារ បានចុះពិនិត្យការងារសាងសង់កម្រាលឥដ្ឋក្នុងសាលាបឋមសិក្សាដងទង់ និងបាន នាំយកកុំព្យូទ័រដែលជាអំណោយដ៏ថ្លៃថ្លារបស់ឯកឧត្តមឧបនាយករដ្ឋមន្ត្រីរដ្ឋមន្ត្រីក្រសួង ដ.ន.ស ប្រគល់ជូនរដ្ឋបាលឃុំខ្ជាយខាងជើង។ ក្នុង​ឱកាសនោះដែរ ក្រុមការងារក៏បានចុះពិនិត្យវឌ្ឍនភាពស្តារស្រះអង្គតាត្នោត និងប្រឡាយទឹកប្រវែង ៤០០ម៉ែត្រ រួមទាំងបានពិភាក្សាលើការជួសជុលអគារវិទ្យាល័យ ប៊ុន រ៉ានី ហ៊ុន សែន ដងទង់។ ជាមួយគ្នានេះ ក្រុមការងារក៏បានដឹកនាំវេទិកាសាធារណៈជាមួយអាជ្ញាធរ និងប្រជាពលរដ្ឋភូមិទាំង៩ ក្នុងឃុំទទុង ដើម្បីស្វែងយល់ពីសក្តានុពលមូលដ្ឋាន ព្រមទាំងពិភាក្សាដោះស្រាយបញ្ហាប្រឈមនានាក្នុងវិស័យកសិកម្ម ទាំងការដាំដុះ និងការចិញ្ចឹមសត្វ ដើម្បីលើកកម្ពស់ជីវភាពរស់នៅរបស់បងប្អូនប្រជាសហគមន៍ឱ្យកាន់តែប្រសើរឡើង៕ ២០ ឧសភា ២០២៦ #ករសួងរៀបចំដែនដីនគរូបនីយកម្មនិងសំណង់ #MLMUPC [**Join MLMUPC News**](https://t.me/MLMUPCofCambodia) **🌐 **[**Website **](https://mlmupc.gov.kh/) **🌐 **[**Facebook**](https://www.facebook.com/mlmupc.pressteam) **🌐 **[**Youtube**](https://www.youtube.com/@MLMUPC_KH) **🌐 **[**Tiktok**](https://www.tiktok.com/@mlmupc_kh)