内政部规范警察薪资发放流程 提升行政效率与保障

[来源: 柬埔寨国家电视台] [分类提示: NEWS] 标题: អគ្គនាយកដ្ឋានធនធានមនុស្ស និងអគ្គនាយកដ្ឋានភស្តុភារ និងហិរញ្ញវត្ថុ នៃក្រសួងមហាផ្ទៃ បេីកកិច្ចប្រជុំផ្សព្វផ្សាយសេចក្តីណែនាំស្តីពីវិធានការអនុវត្តលើការបើកផ្ដល់បៀវត្ស និងប្រាក់ឧបត្ថម្ភគោលនយោបាយជូនមន្ត្រីនគរបាលជាតិកម្ពុជា ឯកឧត្ដម នាយឧត្តមសេនីយ៍ សាស្ត្រាចារ្យ សេង ផល្លី អគ្គនាយកនៃអគ្គនាយកដ្ឋានធនធានមនុស្ស និង ឯកឧត្តមនាយឧត្ដមសេនីយ៍ សេង យូអ៊ាន់ អគ្គនាយកនៃអគ្គនាយកដ្ឋានភស្តុភារ និងហិរញ្ញវត្ថុ បានអញ្ជេីញដឹកនាំកិច្ចប្រជុំផ្សព្វផ្សាយសេចក្តី ណែនាំស្ដីពី«វិធានការអនុវត្តលើការបើកផ្តល់បៀវត្សនិងប្រាក់ឧបត្ថម្ភគោលនយោបាយជូនមន្ត្រីនគរបាល ជាតិកម្ពុជា» ក្នុងគោលបំណងបង្កើនប្រសិទ្ធភាពការងារកំណែទម្រង់ធនធានមនុស្សឱ្យកាន់តែល្អប្រសើរឡើង មានស្មារតីទទួលខុសត្រូវយកចិត្តទុកដាក់ខ្ពស់ និងលើកកម្ពស់ការផ្គត់ផ្គង់ជីវភាពជូនមន្ត្រីនគរបាលជាតិឱ្យបានទាន់ពេលវេលា។ ក្នុងកិច្ចប្រជុំនេះត្រូវបានធ្វេីឡេីងនារសៀលថ្ងៃទី២៥ ខែឧសភា ឆ្នាំ២០២៦ នៅសាលប្រជុំឧត្តរមានជ័យនៃទីស្ដីការក្រសួងមហាផ្ទៃ ដោយមានការអញ្ជើញចូលរួមពី ឯកឧត្តម លោកជំទាវ តំណាងអគ្គស្នងការដ្ឋាននគរបាលជាតិ អគ្គនាយកដ្ឋាន និងអង្គភាពថ្នាក់ប្រហាក់ប្រហែលពាក់ព័ន្ធ ស្នងការដ្ឋាននគរបាលរាជធានី-ខេត្ត និងមន្ត្រីជំនាញពាក់ព័ន្ធជាច្រេីននាក់។ បន្ទាប់ពីកិច្ចចាប់ផ្តើមនៃកិច្ចប្រជុំ លោកឧត្តមសេនីយ៍ទោ តិច សុខា ប្រធាននាយកដ្ឋានផែនការសេដ្ឋកិច្ច និងហិរញ្ញវត្ថុ(ផ្នែកសន្តិសុខសាធារណៈ) បានអាននូវសេចក្ដីណែនាំស្តីពីវិធានការអនុវត្តលើការបើកផ្តល់ បៀវត្សនិងប្រាក់ឧបត្ថម្ភគោលនយោបាយជូនមន្ត្រីនគរបាលជាតិកម្ពុជា។ បន្ទាប់មក ឯកឧត្តមនាយឧត្ដមសេនីយ៍ សេង យូអ៊ាន់ ក៏បានធ្វើការពន្យល់បកស្រាយបន្ថែមនូវខ្លឹមសារនិងសេចក្តីណែនាំនេះ។ ថ្លែងនៅក្នុងកិច្ចប្រជុំ ឯកឧត្តម នាយឧត្ដមសេនីយ៍ សាស្ត្រាចារ្យ សេង ផល្លី បានធ្វើការកត់សម្គាល់និង ស្នើអង្គភាពព