在洪玛奈主持的内阁会议上，政府重点评估了公共行政改革的进展，

[**សមិទ្ធផលធំៗនៃការកែទម្រង់រដ្ឋបាលសាធារណៈ ត្រូវបានរំលេចយ៉ាងត្រដែត និងវាយតម្លៃខ្ពស់ក្នុងកិច្ចប្រជុំគណៈរដ្ឋមន្ត្រី**](https://web.facebook.com/share/p/18zmSQqLBq/)** សេចក្តីប្រកាសព័ត៌មានស្តីពី «លទ្ធផលកិច្ចប្រជុំពេញអង្គគណៈរដ្ឋមន្ត្រី» ក្រោមអធិបតីភាពដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា កាលពីព្រឹកថ្ងៃទី២៨ ខែសីហា ឆ្នាំ២០២៦ បានរំលេចយ៉ាងច្បាស់នូវចំណុចទី៤ អំពីរបាយការណ៍វឌ្ឍនភាពពាក់កណ្តាលអាណត្តិ នៃការអនុវត្តវិធានការគន្លឹះក្នុងការពង្រឹងសមត្ថភាពរដ្ឋបាលសាធារណៈ ដឹកនាំដោយ ឯកឧត្តម ហ៊ុន ម៉ានី ឧបនាយករដ្ឋមន្ត្រី និងជារដ្ឋមន្ត្រីក្រសួងមុខងារសាធារណៈ។ តាមរយៈការងារគន្លឹះនេះ រាជរដ្ឋាភិបាល សម្រេចបានការប្រឡងប្រជែងមន្ត្រីរាជការចំនួន ៥៨លើក សម្រាប់ ១២ក្រសួង-ស្ថាប័ន ដោយមានបេក្ខជនដាក់ពាក្យជាង ២៩ម៉ឺននាក់ និងជ្រើសរើសបានមន្ត្រីជាប់ស្ថាពរ ៨,០៥៩នាក់ (ស្រី ៤,៥២៩នាក់ ក្នុងនោះមានគ្រូបង្រៀនផ្អែកលើកិច្ចព្រមព្រៀងការងារ ៣,០២៣នាក់ និងមន្ត្រីសុខាភិបាលផ្អែកលើកិច្ចព្រមព្រៀងការងារ ៣៤១នាក់)។ ទន្ទឹមនឹងនេះ រាជរដ្ឋាភិបាល បាន និងកំពុងរៀបចំការពិពណ៌នាមុខតំណែងវិជ្ជាជីវៈនៅតាមក្រសួង-ស្ថាប័នចំនួន២៩ និង ២៧ទៀតកំពុងធ្វើសេចក្តីព្រាងអនុក្រឹត្យ ព្រមទាំងបានកែសម្រួលរចនាសម្ព័ន្ធថ្មីនៅតាម ១៦ក្រសួង-ស្ថាប័ន ដោយសម្រេចកាត់បន្ថយអគ្គនាយកដ្ឋានចំនួន៣ និងនាយកដ្ឋានចំនួន៣០ ដើម្បីពង្រឹងប្រសិទ្ធភាពការងារ។ លើសពីនេះ ក្រសួងមុខងារសាធារណៈ ក៏បានចុះធ្វើជំរឿនមន្ត្រីជាក់ស្តែងនៅតាមក្រសួង-ស្ថាប័នចំនួន២២ រួមទាំងអង្គភាពសុខាភិបាល និងសាលារៀនសាធារណៈក្នុងរាជធានី-ខេត្តចំនួន២ ដើម្បីគ្រប់គ្រងធនធានមនុស្សឱ្យកាន់តែច្បាស់លាស់ តម្លាភាព និងមានសមត្ថភាពខ្ពស់ ស្របតាមយុទ្ធសាស្ត្របញ្ចកោណ-ដំណាក់កាលទី១។ 📲 **[**អានព័ត៌មានលម្អិតនៅលើបណ្ដាញសង្គម**](https://web.facebook.com/share/p/18zmSQqLBq/)** 👉 តំណភ្ជាប់ទៅកាន់គេហទំព័រ និងបណ្តាញសង្គម 🌐 | **[**Website**](https://www.mcs.gov.kh/)[** 🌐 **](https://youtube.com/@MinistryofCivilService)**|**[** Facebook  🌐 **](https://web.facebook.com/CivilServiceCambodia)**|**[** Instagram    🌐 **](https://www.instagram.com/civilservice_cambodia?igsh=MWRrZWIwamh4ZW9uZA==)**|**[** Tiktok 🌐 **](https://www.tiktok.com/@mcsgovernment?)**|**[** Telegram  🌐 **](http://t.me/mcsgovkh)**|**[** YouTube**](https://youtube.com/@MinistryofCivilService)