CADT与证券监管局签署MOU 推动金融科技创新

[**បណ្ឌិត្យសភាបច្ចេកវិទ្យាឌីជីថលកម្ពុជា (CADT) និង និយ័តករមូលបត្រកម្ពុជា (ន.ម.ក.) ចុះ MOU រួមគ្នាដើម្បីជំរុញនវានុវត្តន៍ និងការអភិវឌ្ឍបច្ចេកវិទ្យាឌីជីថលក្នុងវិស័យមូលបត្រនៅកម្ពុជា**](https://www.facebook.com/share/p/18AjWoAYFm/?mibextid=wwXIfr)   រាជធានីភ្នំពេញ, ថ្ងៃទី០២ ខែកញ្ញា ឆ្នាំ២០២៦ — បណ្ឌិត្យសភាបច្ចេកវិទ្យាឌីជីថលកម្ពុជា (CADT) តំណាងដោយ ឯកឧត្តមបណ្ឌិត សេង សុភាព ប្រធានបណ្ឌិត្យសភា CADT និង និយ័តករមូលបត្រកម្ពុជា (ន.ម.ក.) តំណាងដោយ ឯកឧត្តម ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយក នៃ ន.ម.ក. បានចុះហត្ថលេខាលើអនុស្សរណៈនៃការយោគយល់គ្នា (MoU) ស្តីពី «កិច្ចសហប្រតិបត្តិការក្នុងការជំរុញនវានុវត្តន៍ និងការអភិវឌ្ឍបច្ចេកវិទ្យាឌីជីថលក្នុងវិស័យមូលបត្រនៅកម្ពុជា»។   ភ្លាមៗបន្ទាប់ពីពិធីចុះហត្ថលេខា ភាគីទាំងពីរបានសហការរៀបចំ សិក្ខាសាលាស្តីពី «ការប្រើប្រាស់បញ្ញាសិប្បនិម្មិត (AI) និងឧបករណ៍ឌីជីថលកម្រិតខ្ពស់ ដើម្បីបង្កើនប្រសិទ្ធភាពការងារ និងការគ្រប់គ្រងហានិភ័យក្នុងវិស័យមូលបត្រ»។ សិក្ខាសាលានេះ មានការធ្វើបទបង្ហាញពីវាគ្មិន និងអ្នកស្រាវជ្រាវជំនាញមកពីវិទ្យាស្ថានស្រាវជ្រាវ និងនវានុវត្តន៍ឌីជីថល (IDRI) នៃបណ្ឌិត្យសភា CADT ជូនដល់មន្ត្រីរាជការ និងតំណាងក្រុមហ៊ុនក្នុងវិស័យមូលបត្រសរុបប្រមាណ ៨៣ រូប។