柬埔寨司法部探讨社区服务刑罚试点方案

ឯកឧត្តមបណ្ឌិត គឹម សន្តិភាព រដ្ឋលេខាធិការក្រសួងយុត្តិធម៌ និងជាប្រធានក្រុមការងារចំពោះកិច្ចសម្រាប់រៀបចំការដាក់ឱ្យដំណើរការសាកល្បងការអនុវត្តទោសការងារសហគមន៍ អញ្ជើញដឹកនាំកិច្ចប្រជុំពិនិត្យពិភាក្សាលើការរៀបចំរបបនៃការអនុវត្តការងារសហគមន៍ ==================== រាជធានីភ្នំពេញ ៖ នាព្រឹកថ្ងៃពុធ ទី១៩ ខែសីហា ឆ្នាំ២០២៦ នាទីស្តីការក្រសួងយុត្តិធម៌ ឯកឧត្តមបណ្ឌិត គឹម សន្តិភាព រដ្ឋលេខាធិការក្រសួងយុត្តិធម៌ និងជាប្រធានក្រុមការងារចំពោះកិច្ចសម្រាប់រៀបចំការដាក់ឱ្យដំណើរការសាកល្បងការអនុវត្តទោសការងារសហគមន៍ បានអញ្ជើញដឹកនាំកិច្ចប្រជុំពិនិត្យពិភាក្សាលើការរៀបចំរបបនៃការអនុវត្តការងារសហគមន៍ ជាមួយក្រុមការងារបច្ចេកទេសនៃគណៈកម្មការជាតិដោះលែងដោយមានលក្ខខណ្ឌ និងក្រុមការងារបច្ចេកទេសនៃទោសការងារសហគមន៍ ។ កិច្ចប្រជុំនេះ ក្នុងគោលបំណងពិនិត្យពិភាក្សាលើវីធីសាស្ត្រនៃការអនុវត្តរបបការងារសហគមន៍នេះនាពេលខាងមុខ ។