磅湛省“好公民良知”俱乐部发起“新微笑之光”项目，在孤儿院内

មានកុមារខ្លះ មិនត្រូវការអ្វីច្រើនទេ… ពួកគេគ្រាន់តែត្រូវការកន្លែងមួយសម្រាប់អាន សម្រាប់រៀន និងសម្រាប់ស្រមៃពីអនាគតរបស់ខ្លួន។ 💙📚 ដោយមើលឃើញតម្រូវការនេះ ប្អូនៗសមាជិកក្លឹប “មនសិការពលរដ្ឋល្អ” ខេត្តកំពង់ចាម បានផ្តួចផ្តើមគម្រោង «ពន្លឺនៃស្នាមញញឹមថ្មី» ដោយរៀបចំបណ្ណាល័យមួយនៅក្នុងមណ្ឌលកុមារកំព្រា។ បណ្ណាល័យនេះប្រហែលមិនធំទេ ប៉ុន្តែវាអាចក្លាយជាកន្លែងមួយដែលប្អូនៗនៅទីនោះអាចអង្គុយអានសៀវភៅ រៀនអ្វីថ្មីៗ និងបន្តស្រមៃពីអនាគតរបស់ខ្លួន។ អ្វីដែលធ្វើឲ្យគម្រោងនេះកាន់តែមានន័យ គឺអ្នកដែលចាប់ផ្តើម ក៏ជាសិស្សដូចគ្នា។ ពួកគេបានយកពេលវេលា កម្លាំងកាយចិត្ត និងគំនិតរបស់ខ្លួន មកបង្កើតបណ្ណាល័យមួយ ដោយសង្ឃឹមថា គម្រោងនេះនឹងផ្តល់ទាំងចំណេះដឹង និងស្នាមញញឹមដែលពោពេញដោយក្តីសង្ឃឹមដល់ប្អូនៗនៅទីកន្លែងនោះ។ ប្រហែលបណ្ណាល័យមួយ មិនអាចផ្លាស់ប្តូរអ្វីៗបានទាំងអស់ទេ។ ប៉ុន្តែបើវាអាចធ្វើឲ្យកុមារម្នាក់ចង់អាន ចង់រៀន និងមានស្នាមញញឹមចំពោះថ្ងៃស្អែករបស់ខ្លួន នោះ «ពន្លឺនៃស្នាមញញឹមថ្មី» ក៏បានចាប់ផ្តើមមានន័យហើយ។ 🌱✨ #កម្ពុជាក្នុងបេះដូងខ្ញុំ #មនសិការពលរដ្ឋល្អ