丰田柬埔寨工厂投产两年 累计组装6000辆汽车

ក្រុមហ៊ុនតូយ៉ូតានៅកម្ពុជា បញ្ចេញរថយន្តស៊េរីថ្មី ដែលផ្គុំ និងដំឡើងដោយដៃកូនខ្មែរ, ជាងពីរឆ្នាំនៃដំណើរការនៅកម្ពុជា កូនខ្មែរផ្គុំ និងដំឡើងរថយន្តជប៉ុន ជាង ៦ពាន់គ្រឿង (ភ្នំពេញ)៖ ក្រោយពីបើកដំណើរការជាងពីរឆ្នាំនៅកម្ពុជា រោងចក្រផ្គុំ និងដំឡើងរថយន្តតូយ៉ូតា​របស់​​ជប៉ុន កំពុងដំណើរការយ៉ាងល្អប្រសើរ។ រយៈពេលជាងពីរឆ្នាំមកនេះ រថយន្តជាង៦ពាន់​គ្រឿង ត្រូវបានផ្គុំ និងដំឡើងដោយដៃកូនខ្មែរ។ នៅព្រឹកថ្ងៃទី២ ខែកក្កដា រថយន្តស៊េរីថ្មីមួយទៀត គឺ TOYOTA HILUX TRAVO ត្រូវបាន​ដាក់បង្ហាញ និងប្រកាសដំណើរការផ្គុំ និងដំឡើងសម្រាប់ផ្គត់ផ្គង់លើទីផ្សារនៅកម្ពុជា។ រយៈពេលពីរឆ្នាំមកនេះ ជាពិសេសនៅឆ្នាំ២០២៥ កម្ពុជា បានជួបនូវរលកវិបត្តិជាច្រើន​ដូចជា​វិបត្តិ​សាកល និងជម្លោះនៅតាមព្រំដែនជាមួយថៃ។ ទោះបីមានបញ្ហាបែបនេះក្តី តែច្រវាក់ផលិតកម្មផ្គុំ និងដំឡើងរថយន្តរបស់ក្រុមហ៊ុនតូយ៉ូតានៅកម្ពុជា នៅតែដំណើរការបានយ៉ាងល្អប្រសើរ។ តាម​រយៈស្ថានភាពនេះ បានបង្ហាញពីភាពធន់នៃឧស្សាហកម្មយានយន្តនៅកម្ពុជា។ ភាពធន់នេះ ក៏ដោយសារមានការគាំពារ និងកម្មវិធីអនុគ្រោះនានាដាក់ចេញដោយរាជរដ្ឋាភិបាលភិបាល​កម្ពុជា៕