柬埔寨公务部行政改革成效显著 2025年节省开支5000万美元

"យើងបានជ្រើសរើសមន្ត្រី ឱ្យចំ ឆ្លើយតបឱ្យត្រូវនឹងតម្រូវការជាក់ស្តែង ចំការងារអាទិភាព ដែលនេះជាការកែទម្រង់មួយដ៏សំខាន់។ ចេញពីការកែទម្រង់នេះ យើងអាចឃើញ យើងអាចសន្សំថវិកាផ្អែកលើតួលេខបឋម ដែលក្រុមការងារក្រសួងសេដ្ឋកិច្ចនិងហិរញ្ញវត្ថុ បានពិនិត្យមើល លើការទូទាត់ច្បាប់ថវិកាឆ្នាំ២០២៥ យើងអាចសល់ថវិកា ក្រោម ៥០លានដុល្លារ។ យើងសន្សំបាននៅក្នុងឆ្នាំ២០២៥ ពាក់ព័ន្ធទៅលើចំណាយបុគ្គលិក។" នេះជាការលើកឡើងរបស់ឯកឧត្តម យក់ ប៊ុនណា រដ្ឋលេខាធិការប្រចាំការក្រសួងមុខងារសាធារណៈ និងជាប្រធានអនុគណៈកម្មាធិការប្រតិបត្តិនៃគ.វ.រ. ក្នុងបទបង្ហាញស្តីពី «វិធានការកែទម្រង់រដ្ឋបាលសាធារណៈ និងកម្មវិបាកវិជ្ជមាន ដែលរួមចំណែកដល់ការលើកកម្ពស់អភិបាលកិច្ចនៃរដ្ឋបាលសាធារណៈ ឆ្ពោះទៅការកសាងរដ្ឋបាលទំនើប សមត្ថភាពខ្ពស់ ខ្លាំង វៃឆ្លាត និងស្អាតស្អំ ដើម្បីសម្រេចគោលដៅអភិវឌ្ឍឆ្នាំ២០៣០ និងឆ្នាំ២០៥០»​ ពាក់ព័ន្ធទៅនឹងអ្វីដែលបានអនុវត្ត និងការប្រែប្រួលជាវិជ្ជមានចំពោះរដ្ឋបាលសាធារណៈនាពេលកន្លងមក។ —————————— វេទិកាកែទម្រង់ស្តីពី «ការលើកកម្ពស់អភិបាលកិច្ចក្នុងរដ្ឋបាលសាធារណៈ» នៅសាលាភូមិន្ទរដ្ឋបាល កាលពីថ្ងៃទី០៣​ ខែមេសា ឆ្នាំ២០២៦។