柬埔寨公务员选拔系统改革 强调择优录取与透明度

"[...]បើនិយាយពីការចំណាយតិច តិចមែនទែន ចំណេញទាំងពេលវេលា​ ចំណែញទាំងថវិកា[...]" "[...]ឱ្យតែមានលក្ខណៈគ្រប់គ្រាន់ ហើយចង់ក្លាយជាមន្ត្រី មានឱកាសដូចគ្នា[...]" "[...]គ្រប់បេក្ខជនទាំងអស់ដែលបានដាក់ពាក្យប្រឡង គឺប្រឡងដោយភាពជឿជាក់លើខ្លួនឯង[...]" "[...]មន្ត្រីរាជការ ដែលចូលមកបម្រើការងារសុទ្ធតែមានសមត្ថភាព មានសញ្ញាបត្រ មានជំនាញ មានបទពិសោធ ជួយរុញច្រានឱ្យអង្គភាពកាន់តែរីកចម្រើទៅមុខ[...]" នេះជាភាសាគន្លឹះរបស់អ្នកចូលរួមក្នុងវេទិកាកែទម្រង់លើកទី២ ស្តីពី «ការកែលម្អប្រព័ន្ធជ្រើសរើសមន្ត្រី» នៅសាលាភូមិន្ទរដ្ឋបាល កាលពីថ្ងៃទី២៩ ខែមេសា ឆ្នាំ២០២៦។ ក្រសួងមុខងារសាធារណៈ បានរៀបចំវេទិកាកែទម្រង់លើកទី២ ស្តីពី«ការកែលម្អប្រព័ន្ធជ្រើសរើសមន្ត្រី» ដើម្បីផ្សព្វផ្សាយអំពីសមិទ្ធផលការងារ នៃការកែលម្អប្រព័ន្ធជ្រើសរើសមន្ត្រីប្រកបដោយគុណាធិបតេយ្យ តម្លាភាព យុត្តិធម៌ បរិយាបន្ន និងប្រសិទ្ធភាព ក្នុងការកែទម្រង់រដ្ឋបាលសាធារណៈ។ វេទិកានេះ ជាវេទិកាមួយសម្រាប់ចែករំលែកព័ត៌មាន និងជាឱ្យកាសនាំមកនូវចំណេះដឹង ក្នុងការសិក្សារៀនសូត្រពីគ្នាទៅវិញទៅមក រួមមានការពិភាក្សា ផ្លាស់ប្តូរយោបល់ លើការងារកែទម្រង់ ដែលបានកំពុងអនុវត្តយ៉ាងសស្រាក់សស្រាំ ក្នុងរាជរដ្ឋាភិបាល នីតិកាលទី៧ នៃរដ្ឋសភា។