洪玛尼慰问实居省基层医护人员 赠送新生儿礼品

**❤️កម្មវិធី**  “ **ប៉ាម៉ានី** “ ❤️   **នៅព្រឹកថ្ងៃចន្ទ ទី៥ ខែតុលា ឆ្នាំ២០២៦**  **នេះក្រោមពាក្យស្លោកចូលរួមសប្បាយរីករាយជាមួយក្រុមគ្រួសារ** 🙏“ **ប៉ាម៉ានី** “🙏 ក្រុមការងារសម្របសម្រួលការងារវិស័យសុខាភិបាលខេត្តកំពង់ស្ពឺរបស់ ឯកឧត្តមឧបនាយករដ្ឋមន្រ្តី ហ៊ុន ម៉ានី  និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ស្ពឺ ដឹកនាំដោយ ឯកឧត្តម ផៃ ចាន់ដារ៉ា លោកវេជ្ជ. រ៉ិត ចំណាប់ តំណាង ឯកឧត្តមបណ្ឌិត ហេង សុខគង់ និងសហការី  រួមជាមួយ លោកស្រីវេជ្ជ. ស៊ីន សុភាព ប្រធានការិយាល័យសុខាភិបាលស្រុកប្រតិបត្តិកំពង់ស្ពឺ តំណាងលោកវេជ្ជ. ហុក គ្រី ប្រធានមន្ទីរសុខាភិបាល និងសហការី បានចុះសួរសុខទុក្ខ លោកស្រី ឈឿន ដាលីន ជាប្រធានមណ្ឌលសុខភាពក្រូចមាស ដែលកំពុងសម្រាកលំហែមាតុភាពនៅគេហដ្ឋាន ស្ថិតនៅភូមិក្រាំងម្កាក់ ឃុំតាំងក្រូច ស្រុកសំរោងទង ខេត្តកំពង់ស្ពឺ។ ជាមួយនឹងការនាំបណ្តាំសួរសុខទុក្ខ និងការអបអរសាទរមកជូនអ្នកគ្រូពេទ្យ ព្រមទាំងក្រុមគ្រួសារ។ ក្នុងនោះក្រុមការងារក៏បាននាំយកមកនូវកញ្ចប់វត្ថុអនុស្សាវរីយ៍ទារកដ៏ស្រស់ស្អាត ដែលជាអំណោយដ៏ថ្លៃថ្លារបស់ឧបនាយករដ្ឋមន្ត្រី ហ៊ុន ម៉ានី ផ្តល់ជូនដល់បុត្រារបស់អ្នកគ្រូពេទ្យផងដែរ និងសូមជូនពរឱ្យទារក ចម្រើនវ័យដោយមានសុខភាពល្អបរិបូណ៌ និងមានអនាគតល្អរុងរឿង។🙏❤️🙏