公务员部推广公共服务优秀案例 提升行政效率

ក្រសួងមុខងារសាធារណៈ ប្រជុំរៀបចំចងក្រងឯកសារ និងវីដេអូបង្ហាញពីគំរូល្អៗនៃការផ្តល់សេវាសាធារណៈ ឆ្នាំ២០២៥ នារសៀលថ្ងៃទី៧ ខែតុលា ឆ្នាំ២០២៦ នៅសាលាភូមិន្ទរដ្ឋបាល ឯកឧត្តម យក់ ប៊ុនណា រដ្ឋលេខាធិការប្រចាំការក្រសួងមុខងារសាធារណៈ បានដឹកនាំកិច្ចប្រជុំមន្ត្រីជំនាញចំនួន៣៣រូប ដើម្បីពិភាក្សាលើការចងក្រងឯកសារ និងផលិតវីដេអូករណីសិក្សា។ កិច្ចការនេះផ្តោតលើការប្រមូលយកបទពិសោធល្អៗ និងនវានុវត្តន៍ថ្មីៗរបស់អង្គភាពជ័យលាភីគំរូ ក្នុងវិស័យអប់រំ និងសុខាភិបាល ឆ្នាំ២០២៥ លើការងារគ្រប់គ្រង និងការផ្តល់សេវាសាធារណៈ។ គោលបំណងចម្បងនៃការរៀបចំឯកសារ និងវីដេអូទាំងនេះ គឺដើម្បីផ្សព្វផ្សាយយ៉ាងទូលំទូលាយនូវគំរូនៃការដឹកនាំដ៏មានប្រសិទ្ធភាព។ សមិទ្ធផលនេះនឹងក្លាយជាមេរៀនដ៏សំខាន់សម្រាប់អង្គភាពដទៃទៀត ក្នុងការយកទៅសិក្សារៀនសូត្រ ដកស្រង់បទពិសោធ និងអភិវឌ្ឍគុណភាពនៃការផ្តល់សេវាសាធារណៈជូនប្រជាពលរដ្ឋឱ្យកាន់តែមានប្រសិទ្ធភាព និងគណនេយ្យភាពខ្ពស់។