洪玛尼代表慰问实居省贡比西县产假教师 送去慰问金及礼品

នាថ្ងៃទី០៣ ខែឧសភា ឆ្នាំ២០២៦ ឯកឧត្តម លី ណាវុឌ្ឍ តំណាងក្រុមការងាររាជរដ្ឋាភិបាលទទួលបន្ទុកវិស័យអប់រំ និងជាតំណាងដ៏ខ្ពង់ខ្ពស់ ឯកឧត្តម ហ៊ុន ម៉ានី ប្រធានក្រុមការងាររាជរដ្ឋាភិបាលចុះជួយខេត្តកំពង់ស្ពឺ បានចុះសួរសុខទុក្ខ និងចូលរួមអបអរសាទរអ្នកគ្រូ ស៊ុក ស្រីនីត បង្រៀននៅសាលាបឋមសិក្សាបទុមវ័ន ឃុំស្នំក្រពើ ស្រុកគងពិសី ខេត្តកំពង់ស្ពឺ សម្រាលបានកូនប្រុស ១នាក់ នៅថ្ងៃទី២១ ខែមេសា ឆ្នាំ២០២៦។បច្ចុប្បន្នអ្នកគ្រូកំពុងសម្រាកលំហែមាតុភាពនៅគេហដ្ឋាន ភូមិត្រាំខ្នារ ឃុំស្នំក្រពើ ស្រុកគងពិសី ខេត្តកំពង់ស្ពឺ។ ក្នុងដំណើរចុះសួរសុខទុក្ខនេះ ឯកឧត្តម និងក្រុមការងារក៏បាន ពាំនាំនូវការផ្តាំផ្ញើសួរសុខទុក្ខពីបងប្រធាន និងវត្ថុអនុស្សាវរីយ៍ជាឃិតទារកប៉ាម៉ានីដ៏ស្រស់ស្អាត នំស្រួយលីលី១កញ្ចប់និងថវិកាជូនដល់អ្នកគ្រូដែលកំពុងសម្រាកលំហែមាតុភាពនៅគេហដ្ឋានផងដែរ។